web counter
LEXO PA REKLAMA!

SHKARKO APP

App Store
Google Play

"Hani kokat e njëri-tjetrit"/ Berisha, akuza Ramës: Inkurajon bandat me thirrjet e tij për vrasje

19 Gusht 2022, 12:30, Politikë CNA
"Hani kokat e njëri-tjetrit"/ Berisha, akuza Ramës:
Sali Berisha

Kreu i PD-së, Sali Berisha, ka reaguar pas ngjarjeve të fundit kriminale që tronditën vendin. 

Berisha tha gjatë konferencës për shtyp nga selia blu, se Edi Rama inkurajon bandat me thirrjet e tij për vrasje. 

"Gjatë kësaj jave, shqiptarët kanë parë se rendi dhe siguria e tyre janë tërësisht në dorë të bandave dhe krimit. Në një hark kohor 12 orë u përgjakën rrugët e Elbasanit, Sarandës dhe Panajasë në Vlorë. Nuk duhet të marr hua një shprehje në të cilën policia rezulton për të numëruar gëzhojat, por dua të them se policia rezulton për të na thënë kryesisht se vrasësit u zhdukën në drejtim të paditur. E vërteta është se, substrati i këtyre përgjakjeve, i këtyre vrasjeve, qëndron në faktin se janë bandat e krimit që kontrollojnë në çdo qelizë këtë shtet. Janë në njëfarë mënyre shteti real i këtij vendi. Ndërkohë, platforma zyrtare e Edi Ramës për luftën kundër krimit siç e dini është hani sa më shumë kokën e njëri-tjetrit. E thotë këtë një kryeministër i cili qeveris në një vend që ka firmosur Konventa Ndërkombëtare dhe e ka ndaluar me Kushtetutë dënimin me vdekje. Pra, atë që shteti e ka ndaluar, kryeministri i vendit ua lejon bandave dhe inkurajon bandat me thirrjet e tij për vrasje. Dënoj me ashpërsinë më të madhe këtë qëndrim, dënoj vrasjet e shëmtuara në rrugët dhe sheshet e qyteteve. Garantoj shqiptarët se qëndrimi ynë do të jetë zero tolerancë ndaj krimit. Ne do t’u japim bandave të qeverisë atë vend që meritojnë së bashku me qeverinë e tyre", u shpreh Berisha./CNA.al

 





Lajmet e fundit nga