web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Fatos Klosi emëroi asetin rus në drejtorinë më të rëndësishme të SHISH-it

22 Gusht 2022, 12:43, Politikë CNA
Berisha: Fatos Klosi emëroi asetin rus në drejtorinë më
Sali Berisha

Kreu i PD-së, Berisha, akuzoi si spiunë të shërbimeve sekrete ruse ish-zyrtarin e SHISH-it, Frederik Ymeri, i cili doli në dosjen e SPAK-ut disa javë më parë dhe ish-kreun e SHISH, Fatos Klosi, si pjesë e agjenturës.

Në deklaratën nga selia blu, dy ditë pas incidentit me rusët në uzinën e armëve në Gramsh, Berisha tha se siguria kombëtare sot është e cenuar.

“Sipas dosjes rezulton se Frederik Ymeri, ishte personi shumë aktiv lidhur me sigurimin e informacionit të klasifikuar.

Ju dëgjuat një muaj më parë se njëri prej figurave më kyçe të Shërbimit Informativ Shtetëror për vite të tëra, Frederik Ymeri, ishte aset rus. Në të vërtetë ai nuk është i izoluar, Fatos Klosi ndiqej nga shërbimet inteligjente shqiptare, për lidhje të dyshimta me dy shërbime të tjera dhe këto janë denoncuar publikisht.

Këto janë të deklaruara të paktën publikisht. Federik Ymeri u emërua në drejtorinë më të rëndësishme, nga Fatos Klosi. Agjenturat e huaja, direkte apo me influencë janë të lidhura gjer në kreun e piramidës ndërkombëtare të këtij vendi.

Siguria kombëtare sot në shumë aspekte është e kërcënuar. Shqipëria është vend anëtar i NATO-s dhe askush nuk mund të luajë me sovranitetin e saj. Në 100-vjetorin e marrëdhënieve me SHBA, në qiellin e Tiranës fluturojnë B-52. Uroj që miku i Edi Ramës dhe barbari i Kremlinit ti shohin edhe këto fortesa.”, tha Berisha./CNA.al





Lajmet e fundit nga