LEXO PA REKLAMA!

SHKARKO APP

Policia, ”luftë” turizmit/ Skafo-ministri Çuçi i rrëzon propagandën Ramës

9 Gusht 2022, 10:53, Editorial CNA

Policia, ”luftë” turizmit/ Skafo-ministri Çuçi i

Policia u ka shpallur luftë mjeteve detare argëtuese, si gomone, motorë uji apo jet-ski.

Që pas ngjarjes tragjike të 2 gushtit, Policia është “derdhur” në det, duke sekuestruar dhe bllokuar të gjitha mjetet lundruese që përdoren për sporte ujore.

Herë në prani në pronarëve dhe herë fshehurazi, policia tashmë e ka “paralizuar” turizmin në këtë aspekt.

Sikur të mos mjaftonte ngjarja e rëndë, ku humbi jetën Jonada Avdia, sikur mos të mjaftonin çmimet e larta, është shfaqur edhe policia, që ka braktisur tokën dhe i është futur detit, për të shkatërruar turizmin detar.

Prej disa ditësh pronarët e mjeteve ujore të bllokuara po protestojnë pasi u është bllokuar puna, edhe pse mjetet i kanë me dokumentacion.

Edhe sot një protestë e tillë po zhvillohet para Drejtorisë së Përgjithshme të Policisë, para Gledis Nanos, i cili nuk ka nevojë të marrë dylbitë dhe t’i shohë.

Policia nuk mund të mbulojë arrogancën e një polici gangster, nuk mund të mbulojë tragjedinë që ka ndodhur me përgjakjen e plazhit, duke bllokuar mjetet detare argëtuese.

Në vend që të jepej përgjegjësi, jo me fjalë, por me vepra, po veprohet ndryshe.

Po skafet e Ministrit të Brendshëm a i ka bllokuar policia?

A arrin t'i shohë Gledis Nano me dylbi?

Skafet me të cilat ministrit Bledi Çuçi argëtohej me miqtë e tij, siç shkruante ai pak ditë më parë në rrjete sociale, me miqtë e tij që nuk janë të panjohur për drejtësinë.

Turizmi po goditet ku të mundet, ndërsa argëtimi dhe skafet e Ministrit, duket se nuk preken.

Situara është kjo, nga njëra anë kemi kryeministrin Edi Rama që del dhe flet për një sezon të begatë dhe pasur turistikë, që nuk dihet se ku e sheh dhe ku bazohet dhe nga ana tjetër kemi një ministër, pronar skafesh që godet turizmin, por sigurisht jo veten, pra rrëzon propagandën e shefit të tij./CNA.al

Lajmet e fundit nga