E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Skandali me lobimin rus/ Si u shpëtoi Lulzim Basha prangave?

11 Maj 2022, 09:53, Aktualitet CNA

Lulzim Basha ka lobuar në SHBA, me financime nga off shore ruse. Për këtë skandal janë publikuar dokumente nga mediat e huaja dhe nga mediat në vend, si CNA.al e cila ka sjellë fakte ekskluzive.

Pati edhe hetime nga Prokuroria e Tiranës, por paralelisht pati skenare dhe prapaskena që çuan në mbylljen e hetimeve.

Por, s’do të thotë që nuk mund të hapen më këto hetime edhe ex-ofiicio nga SPAK-u, derisa dokumentat dhe faktet ekzistojnë.

CNA.al do të risjellë në vëmendje skandalin, shoqëruar edhe me dosjen hetimore të Prokurorisë së Tiranës,

Në prag të zgjedhjeve të përgjithshme parlamentare të vitit 2017, Lulzim Basha publikoi në rrjetet sociale një foto me ish-presidentin e SHBA-së, Donald Trump.

Në media u raportua se fotoja e Trumpit me Bashën ka kushtuar jo pak, por rreth 20 mijë dollarë.

Pas publikimit të fotos me Trumpin, plasi edhe skandali i lobimeve me para të financuara nga kompani off shore ruse.

Në këtë mënyrë doli në dritë skandali i lobimeve me Nick Muzin në SHBA, ku janë paguar 1 milion e 25 mijë dollarë, për të cilin Lulzim Basha tri herë kur ka folur ka dhënë tri versione të ndryshme.

Në muajin nëntor të vitit 2017, agjencia e lajmeve “BIRN” publikoi një material të plotë mbi fondet që PD-ja kishte paguar për të siguruar mbështetje në administratën e lartë amerikane.

Më tej, në muajin mars 2018, revista investigative amerikane “Mother Jones” publikoi një investigim të plotë për financimin me 675 mijë dollarë nga PD-ja për kompaninë Muzin, me firmën dhe negocimin personal të Lulzim Bashës, për të siguruar mbështetje në SHBA.

Mother Jones” publikoi fakte se si Lulzim Basha ka ofruar pagesa të majme për promovimin e tij në SHBA.

Basha kishte kontraktuar një lobist amerikan të quajtur Nick Muzin, i cili është edhe një ish-ndihmës i fushatës së Donald Trumpit.

Kontrata mes Muzin dhe Partisë Demokratike është firmosur nga Basha, për të lobuar për PD-në në muajt mars, prill dhe maj, e për këtë ai do të merrte 25 mijë dollarë për shërbimet që do të kryente brenda këtij harku kohor.

CNA.al e ka investiguar më tej këtë çështje, duke zbardhur të tjera detaje nga skandali dhe të tjera fakte.

Investigimi na çoi në Edinburg, ku sipas mediave amerikane ka qendrën kompania Binniata Trade LP, e cila në skandalin e denoncuar ka paguar 150 mijë dollarë për PD-në, kompanisë amerikane Muzin.

Sipas dokumenteve zyrtare të Departamentit të Drejtësisë në SHBA publikuar në mars të vitit 2019, janë bërë publike dokumentet zyrtare të Departamentit të Drejtësisë në SHBA, ku sipas deklarimeve të bëra nga Kompania Lobiste Muzin Capitol LLC, regjistruar në 14.11.2017 rezulton se: Kompania ruse Biniatta Trade LP do t’i paguante STONINGTONE STRATEGIES sipas marrëveshjes 4 shuma.

Në dokumentin e mësipërm shkruhet Fees and Expenses, pra tarifa dhe shpenzime: 150 mijë usd për çdo muaj për një periudhë tremujore, në 15 mars, 15 prill dhe 15 maj, në total shumën prej 450 mijë usd.

Sipas të njëjtit dokument, Biniata Trade LP do të paguajë Stonington Strategjies shumën 500.000 usd si tarifë speciale deri në mbylljen e marrëveshjes më 23 mars 2017.

Lulzim Basha ka paguar 450 mijë usd në tre muaj dhe shumën 500 mijë usd si special fee nga kompania Ruse offshore dhe janë plot 950 mijë USD. Plus 75 mijë usd paguar nga PD, janë plot 1.025.000 usd paguar nga PD-ja dhe Lulzim Basha për lobim në SHBA.

Nga ana tjetër Lulzim Basha në lidhje me këto pagesa ka deklaruar disa versione të ndryshme.

Lulzim Basha në emisionin “Opinion”, më herët ka deklaruar se nuk e njihte kompaninë Binniata, por kontrata e firmosur prej tij e ka të shkruar emrin e Binniata-s dhe të deklaruar nga kompania Muzin.

Basha në vijimësi e ka quajtur shpifje skandalin e lobimit, por, e vërteta qëndron në faktin se çështja është mbyllur me procedurë dhe nuk është një gjykim i mbyllur. Nuk është pyetur Nick Muzin, siç deklaroi pak ditë më parë ish-drejtuesja e Prokurorisë së Tiranës, Elisabeta Imeraj.

Ditët në vijim, CNA.al do të sjellë detajet e procesit në prokurori, dhe si u mbyll skandali, pavarësisht dokumenteve dhe fakteve që ekzistojnë./CNA.al

Letërkëmbimet/ Basha loboi në SHBA duke shitur Soros e duke përdorur deklaratat e Lu

Basha loboi kundër ardhjes së Kavalec në Shqipëri/ Zbardhet shifra marramendëse që ka paguar

Foto ekskluzive-Tjetër skandal lobimi?/ Kush është personi misterioz që takoi Basha në Vienë?

Lobimi rus në SHBA/ Dy gënjeshtrat publike të Lulzim Bashës

Lobimi rus/ Si u mbyll dosja e Bashës në Prokurorinë e Tiranës

Letërkëmbimet/ Basha loboi në SHBA duke shitur Soros e duke përdorur deklaratat e Lu

Lobimi rus/ Prapaskenat për mbylljen e dosjes hetimore të Lulzim Bashës

MEGA-SKANDALI dhe dokumenti/ Lulzim Basha pagoi 950 mijë usd nga kompania Ruse offshore, prokuroria uli shifrën

Shënim/ Skandalet me lobimet dhe pse Basha nuk shkon dot në SHBA?

Arrestohet në SHBA biznesmeni turk afër Lulzim Bashës

Shtrëngohet laku për Lulzim Bashën/ Kreu i PD drejt prangave?

Intervista e plotë/ Flet miku i Bashës që akuzohet nga FBI: Nga rrëmbimi i Gylenit tek dënimi me 20 vite burg