web counter
LEXO PA REKLAMA!

SHKARKO APP

App Store
Google Play

E fundit!

x

Dokumenti/ Si u ftua për vizitë në Amerikë Mbreti Zog dhe refuzimi që i bëri presidentit

10 Maj 2022, 19:05, Aktualitet CNA

Gazetari Ilir Ikonomi ka publikuar një shkresë të presidetit të SHBA-së, Franklin Ruzvelt, i cili ftonte për vizitë Mbretin Zog në SHBA.

Në një postim në rrjetin social Facebook, Ikonomi shkruan se Zogu e refuzoi me mirësjellje ftesën, me pretendimin se vendi kishte nevojë për të, nga frika se Musolini do ta rrëzonte nga pushteti.

Gazetari më tej thekson se kur motrat e Zogut shkuan në SHBA u pritën mjaft mirë jo vetëm në Shtëpinë e Bardhë, por edhe nga komuniteti shqiptar. Kjo solli edhe pajtimin e Fan Nolit me Zogun, ndërsa ky i fundit nuk e vizitoi asnjëherë Amerikën, ndonëse ftesa ishte e hapur.

Postimi i plotë:

NJË FTESË PËR TË VIZITUAR AMERIKËN

Në vitin 1936, Presidenti i SHBA, Franklin Ruzvelt, i dërgoi Mbretit Zog një ftesë për të vizituar Amerikën.

Zogu refuzoi me mirësjellje, siç lexohet edhe në këtë letër që i ktheu presidentit amerikan:

?Adhurimi që ushqej për vendin e madh, Shtetet e Bashkuara të Amerikës dhe sidomos për Shkëlqesinë Tuaj, do të më bënte të nisesha me gjithë dëshirë për në Amerikë, por punët e shtetit kërkojnë në këtë moment praninë time në vendin tim. Me kënaqësi të madhe do të nxitoja të përfitoj nga ftesa mjaft bujare e Shkëlqesisë Suaj në rastin e parë që do të më paraqitej.?

Një udhëtim vajtje-ardhje në Amerikë zgjaste rreth një muaj, pa llogaritur kohën e qëndrimit. Me gjasë, Mbreti Zog druhej se një mungesë e tij e gjatë në Shqipëri mund ta shtynte Musolinin ta rrëzonte nga pushteti. Italia fashiste kishte dhënë prova se ishte gati t?i bënte puçin. Gjithashtu, mbreti nuk e dinte se si do të pritej nga shqiptarët e Amerikës.

Në vitin 1938, Zogu dërgoi tri nga motrat e tij për të vizituar Amerikën. Më 4 mars ato u pritën në Shtëpinë e Bardhë në Uashington. ?Princeshat pinë çaj me zonjën Ruzvelt dhe në dhomë hyri Presidenti për t?i takuar në shenjë respekti,? shkruan gazeta Ëashington Times.

Në Boston të shtetit Masaçusets, ku shqiptarët formonin koloninë më të madhe, motrat e mbretit u pritën me një entusiazëm që i befasoi gazetarët. Vizita shënoi pajtimin përfundimtar të Mbretit Zog me Fan Nolin, të cilët më shumë se një dekadë më parë e kishin dënuar njëri-tjetrin me vdekje.

Sa ishte në pushtet, Mbreti Zog nuk mundi ta vizitojë Amerikën, edhe pse ftesa e Presidentit Ruzvelt mbeti në fuqi./CNA.al





Lajmet e fundit nga