LEXO PA REKLAMA!

SHKARKO APP

Lobimi rus/ Rama thirrje Bashës: Dil para Prokurorisë!

12 Mars 2018, 20:29, Aktualitet CNA

Kryeministri i vendit Edi Rama, i ftuar në emisionin “Studio e hapur” të gazetares Eni Vasili, është shprehur se nuk ngre dot asnjë akuzë ndaj opozitës, pa qenë 100% të sigurtë se diçka e tillë ka ndodhur. Ai tha se financimet e huaja janë të paligjshme në Shqipëri, ndërsa theksoi se, “Na duhet medoems që të dimë të vërtetën dhe vetëm të vërtetën për një histori që ne nuk themi se ka dorë Kremlini, por duam të dimë nëse ka apo jo dorë Kremlini.

Themi se është sallatë ruse, për shkak se aty përfshihen rusë, dhe nuk dimë se përse kanë bërë ato pagesa për interes të Partisë Demokratike. Është e papranueshme, sesi Lulzim Basha dhe Partia Demokratike nuk jep shpjegime për atë çka akuzohet.”

Më tej ai tha se, “Partnerët janë të shqetësuar. Duan të dinë të vërtetën.

Jemi para një situate tejet shqetësuese lidhur me mënyrën sesi financohet Partia Demokratike. Ne nuk ngremë akuzë se opozita ka bërë diçka të tillë. Të ngresh akuzë duhet të jesh 100% i sigurt që kjo ka ndodhur. Ne po presim të mësojmë nëse ka ndodhur apo jo.”

Më tej ai i bëri thirrje Lulzim Bashës, që të shkojë e të flasë para Prokurorisë për gjithçka ka ndodhur. /CNA.al

Lajmet e fundit nga