E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Lobimi rus/ Gjekmarkaj tregon gabimet e Lulzim Bashës

12 Mars 2018, 15:27, Aktualitet CNA

Analisti Agron Gjerkmarkaj, teksa merr në mbrojtje kryetarin e Partisë Demokratike, Lulzim Basha, lidhur me akuzat për lobim rus në SHBA për takimin Basha-Trump, shprehet se situata në fjalë po përdoret nga qeveria e cila herë e tregon Bashës si “djalë të mirë” e herë tjetër si” djalë të keq”, në varësi të interesave të tyre.

Gjekmarkaj shprehet: “Prej disa ditësh Lulzim Basha me mendjelehtësinë që e karakterizon në veprime kinse të mirëllogaritura si ?politikan race? ka shtënë tagji të bollshme në grazhdin e propagandës qeveritare. Fat i trishtë ky i Lulit. Kur i duhet qeverisë, ai është ?djalë i mirë? dhe kur ajo merr vendim se nuk bën më si i tillë, e shpall ?djalë të keq? për disa muaj, se ashtu i ka do punë. Vetë Rama, ?i panjollë? dhe ?i pamëkat?, me foton e siguruar nga Bilali me Obamën, pas krahëve i tregon gjunjëtoren e Prokurorisë.

Pa iu dridhur qerpiku i thotë se duhet të ulet e të rrëfehet me duart palosur nën mjekër dhe shikimin e përvuajtur mbi ?fugurën? e Arta Markut. Këto ditë dilema se Basha qenkësh i vetmi zog dreqit këtyre anëve e se çdo gjë tjetër shkon mbroth, ka marrë udhë! Njerëzit e papunë e të pashpresë habiten me filmin e ri. Hajdutët fërkojnë duart se askush nuk e ka mendjen tek ata. Ministrat na qerasin me fjalime tu mendue se ka ardhë koha me i ba karshillëk Ciceronit. Farmacitë shesin gjithnjë e më tepër ilaçe për sytë, veshët dhe gjumin e hazdisur.”

Sipas tij, Lulzim Basha nuk mund t’i ketë hyrë një çështje të tillë, pasi ai është i paaftë dhe frikacak.

“Nëse inteligjenca e zakonshme nuk na përgënjeshtron, Lulzim Basha duket, së pari, i paaftë dhe, së dyti, tepër frikacak për të hyrë në të tilla ingranazhe e, së treti, si një njeri që Shqipëria i ka dhënë gjithçka në mënyrë të merituar dhe disa herë të pamerituar zor se do të shkonte me e kërku fatin aso honesh.

Por Lulzim Basha po paraqitet i paqartë në këtë histori, jo logjik e racional. Shija, që informacioni i deritanishëm, që jep është se diçka nuk është ?kopsitur? mirë në pikëpamje formale në raport me ligjin e ujdhesave të kësaj historie. Arsyetimi ka një segment bosh, të cilin mbase këto ditë e mbush Tritan Shehu me ndonjë fjalim nga të vetët me ritmin e një pistolete lodër. Sot duket e paqartë nëse kemi të bëjmë ende me një çështje etike të diskutueshme apo më një faj penal të padiskutueshëm. I takon Bashës të thotë të vërtetën.”, – thotë Gjekmarkaj. /CNA.al