web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Basha urdhëron përjashtime në PD-në e Vlorës

11 Shkurt 2018, 12:03, Aktualitet CNA

Partia Demokratike e Vlorës ka mbledhur ditën e djeshme kryesinë dhe në vend që të analizonte rezultatet, punën organizative apo aksionin e saj ndaj qeverisë, ka filluar inkuzicionin ndaj anëtarëve të kryesisë së degës dhe zërave kritikë, që kundërshtojnë fort, trajtimin e PD-së nga Lulzim Basha.

Ndoshta akti i fundit i një hakmarrjeje të verbër, çmenduri politike që në vitin 2018 një forcë politikës ka ende përjashtime dhe inkuzicion si një kohën e ?qoftë largut?.

Kryesia e PD-së së Vlorës, nën drejtimin e deputetes Nadire Meçorapaj, e urdhëruar nga Lulzim  Basha, ka përjashtuar nga kryesia, Dritan Kokoshin, Asqeri Bullin dhe Mirela Again, tre anëtarë kryesie, një prej tyre drejtuese departamenti.

Lufta e klasave ka filluar në PD ndaj atyre që kanë kurajo të thonë të vërtetën, të shprehin me forcë dhimbjen e tyre, për gjendjen kritike që po kalon PD dhe pasojat që po vuajnë stukturat në bazë nga paaftësia, tradhtitë dhe korrupsioni politik i Lulzim Bashës.

Dega e PD-së në Vlorë në zgjedhjet e fundit parlamentare, nga paaftësia e ekipit drejtues dhe listës korruptive të paraqitura nga Basha, të kryesuar nga Agron Shehaj dhe Nadire Meçorapaj, morën rezultatin më të dobët historik edhe më pak se në vitin famëkeq 1997.

Sot me urdhër të Lulzim Bashës dhe duke i shërbyer një akti final, shpartallimit të PD-së, nga PD-ja e Vlorës po goditen, përjashtohen, sulmohen dhe akuzohen demokratët që rezistuan atëherë kur Vlora digjej, qendrestarët goditen ashpër sepse me kurajo shprehin dhimbjen për gjendjen e PD-së dhe tradhtitë e Lulzim Bashës.

Mesa duket misioni shkatërrimtar i udhëruar nga qendra vazhdon pa ndalim në degën e PD-së në Vlorë. /CNA.al





Lajmet e fundit nga