web counter
LEXO PA REKLAMA!

SHKARKO APP

App Store
Google Play

E fundit!

x

Pesëdhjetë qytetet më të rrezikshme në botë

11 Mars 2018, 20:15, Aktualitet CNA

Sipas një raporti të ri, Los Kabos, në Meksikë, është shpallur qyteti më i dhunshëm në botë, ku vendin e dytë dhe atë të tretë, e mbajnë Karakas në Venezuelë, respektivisht Akapulko. Nga 50 qytetet më të rrezikshme në botë, 42 prej tyre gjenden në Amerikën e Jugut. Në SHBA, qytetet si St Luis, Baltimor dhe Nju Orleans e Detroit po ashtu gjenden në këtë listë, ku gjendet edhe Kejp Tauni, Durbani dhe Gjiri Nelson Mandela në Afrikën e Jugut, po ashtu gjenden në top 50 qytetet më të dhunshme, apo më të rrezikshme në botë. Aty janë edhe emrat, si Xhamajka, Honduras, Porto- Riko, Kolumbia, El Salvador dhe Guatemala.

Brazili ishte vendi, i cili shpesh përshihej në këtë listë, me 17 qytete në listë, i pasuar nga Meksiko, Venezuela dhe SHBA-ja. Kjo listë është përpiluar nga grupi meksikan i ekspertëve kundër dhunës, “Seguridad, Justicia Y Paz” (Siguria, drejtësia dhe paqja) ku secili qytet rangohet në bazë të shkallës së vrasjeve në 100,000 banorë. Në rastin e St Luisit, ekspertët panë se ai kishte 205 vrasje në vitin 2017, në një popullsi prej 300,000 banorësh, me një shkallë të vrasjes prej 65.83 për 100,000 njerëz, duke u renditur kështu i 13-ti. Dhuna në shtetin e Misurit ka vazhduar që nga trazirat në Ferguson, në vitet 2014 dhe 2015.

Autorët kanë konstatuar se, krahasuar me vitin 2016, ka pasur një rënie të konsiderueshme të dhunës në Honduras, ku tani vetëm dy qytete të tij gjenden në listë. Një vend tjetër, ku dhuna ka shënuar rënie, është edhe Venezuela, por ekspertët thonë se këto të dhëna nuk janë të sakta, meqë një qeveri e dobësuar thjesht, nuk mund t’i regjistrojë të gjitha rastet e vrasjeve, gjë që krijon iluzionin sikur dhuna ka shënuar rënie. Në ndërkohë, dhuna në Meksikën e bërë sakat nga kartelet e drogës, ka shënuar rritje të madhe në vitin 2017, ku tani në listë përfshihen 12 qytete meksikane, krahasuar me vetëm 5 në vitin 2015.





Lajmet e fundit nga