web counter
LEXO PA REKLAMA!

SHKARKO APP

App Store
Google Play

E fundit!

x

 “Blindohet” PD-ja/ Zbardhet skenari i Bashës për ti shpëtuar shkarkimit

11 Mars 2018, 09:21, Aktualitet CNA

Më 28-29 prill PD do mbledhë Kuvendin Kombëtar, ku do të bëhen një sërë ndryshimesh në statut, ndërsa kryetari i Partisë Demokratike, Lulzim Basha ka filluar lëvizjet për të blinduar postin e tij.

Ndryshimet kryesore do të jenë sa i takon mandatit dhe kompetencave të kryetarit.- shkruan gazeta Sot.

Basha ka menduar që t?ia hedhë paq edhe në rast se humb zgjedhjet, ku skenarin e tij për t?i shpëtuar shkarkimit, pritet që ta formalizojnë gjatë punimeve të Kuvendit të PD-së.

Sipas gazetës Sot, një nga pikat kryesore që pritet t?i propozohet ndryshimeve në statut është zgjatja e mandatit të kryetarit dhe rikandidimi i tij, nëse rezultati i korrur nga partia në cilëndo palë zgjedhjesh është më i mirë se zgjedhjet e mëparshme.

Pra përmes kësaj lëvizje, Basha i hap rrugë rikandidimit të tij, edhe pse kundërshtarët e tij brenda partisë do t?i kërkojnë dorëheqjen, nëse ai humb zgjedhjet vendore të 2019 apo edhe ato të ardhshme parlamentare.

Ndërkohë edhe sa i takon pikës tjetër, siç është kompetenca e kryetarit, Basha ka menduar që të bëjë një sërë ndryshimesh, duke forcuar pozitën e tij, në mënyrë që çdo vendim që nxjerrë ai të mos vihet në diskutim dhe anatemohet nga zërat kritikë. Po ashtu gazeta ka mësuar se gjatë dy ditëve të Kuvendit, pritet që të bëhen edhe disa ndryshime të tjera sa i takon statutit të partisë, të cilat kanë ardhur si propozim i analizës së fundit brenda Partisë Demokratike.

Sipas informacioneve, mësohet se do të propozohet që një kryetar i degës së PD të mos kandidojë më shumë se dy herë, ndërsa në rast se partia që ai bën pjesë humbet zgjedhjet, ai duhet të japë dorëheqjen. Sidoqoftë, mbetet për t?u parë se çfarë do të prodhojë Kuvendi i PD, pasi atje do të vendoset gjithçka në lidhje me të gjitha këto ndryshime në statutin e Partisë Demokratike.





Lajmet e fundit nga