web counter
LEXO PA REKLAMA!

SHKARKO APP

App Store
Google Play

E fundit!

x

Kjo është supervjedhja e re e Ujesjellës Kanalizimeve të Tiranës

10 Mars 2018, 20:16, Aktualitet CNA

Qindra familje të metropolit, janë shtangur kur kanë paguar faturën e rradhës së ujit. Përveç shumës së konsumuar, ato janë detyruar që të paguajnë edhe një tarifë prej 5 mijë lekësh të reja për?sahatin e ri.

Kur qytetarët kanë pyetur arkëtaret për këtë shumë, ata i kanë shpjeguar se faturistët kanë ndërruar sahatin dhe kanë vendosur një të ri. Shkelja e parë, është që qytetarët duhet të vihen në dijeni dhe të pajisen me një proces-verbal në momentin e ndërrimit. Asnjë nuk është vënë në dijeni.

Madje drejtori i UKT-së, Redi Molla, nuk ka dhënë asnjë shpjegim për këtë fenomen. Kur qytetarët pyesin faturistin për ndërrimin e sahatit, ato justifikohet duke thënë se i kanë rënë derës por nuk ka qënë asnjë në shtëpi. Ato shtojnë se sahati ka qënë i prishur dhe duhej ndërruar.

Sipas burimeve të rezervuara nga UKT dhe Bashkia e Tiranës, ndërrimi i sahatëve po bëhet për shkak të mbushjes së arkës së këtij institucioni. Burimet theksojnë se nuk është e vërtetë që sahatët janë të prishur, por po ndërrohen për ti vjedhur të tjera parà qytetarëve.

Asnjë nuk ka folur për këtë zhvatje që po bëhet në çdo lagje të Tiranës. Në momentin e ndërrimit të sahatit të ujit, punonjësi i UKT-së plotëson edhe dokumentin zyrtar dhe në këto kushte qytetarët mund të ankohen sa të duan, por në fund janë të detyruar që të paguajnë shumën ose do të ngelen pa ujë dhe do të denoncohen. Kjo është skema e rradhës e vjedhjes që UKT po kryen pa iu dridhur qerpiku./Pamfleti.com/





Lajmet e fundit nga