LEXO PA REKLAMA!

SHKARKO APP

Lobimi rus/ Gjekmarkaj: Ja kush është aleati i vetëm i shpëtimit për Bashën

10 Mars 2018, 19:48, Aktualitet CNA

Në një intervistë për ?Oktapod? me Turjan Hyskën, analisti Agron Gjekmarkaj është shprehur se kryetari i PD, Lulzim Basha ka goditur rëndë fibrën politike të Partisë Demokratike. ?Ka goditur ata që janë kolona që e kanë mbajtur në ditët më të vështira?, është shprehur analisti.

E ndërsa në lidhje me akuzat për lobim me rusët për të ndërhyrë në sistemin politik në Shqipëri, Gjekmarkaj tha se nuk beson për asnjë moment se Basha është pro rus.

Sipas tij e vetmja gjë që duhet të bëjë Basha është të jetë i vërtetë dhe të mos mistifikojë edhe më tepër këtë çështje.

?Unë fjalën e fundit do ta them të parën, unë nuk besoj për asnjë çast që Lulzim Basha është pro rus. Nuk mendoj që Lulzim Basha ?po bën lojën e Rusisë në Shqipëri, dhe për më tepër për ta destabilizuar Shqipërinë. Mendoj që është një  burrë pragmatist, është njeri që nga ky vend ka marrë gjera të merituara dhe të pa merituara. Është bërë ministër 30 vjeç, është bërë ministër i jashtëm, i brendshëm, kryetar Bashkie, në mënyrë të merituar dhe pa merituar. E pa merituar se edhe pse mori barazimin ai prishi rregullat e lojës.

Në vijim të kësaj logjike ai u bë kryetar i PD falë mbështetjes së madhe që i dha Sali Berisha me Olldashin. Edhe në 2017 Berisha me një autoritet moral, me një bilbil që do ti ishin mbledhur demokratët edhe sot ia pranoj ngrirjen. Ai ka marrë kaq shumë nga ky vend sa nuk ka arsye ta urrejë dhe të bjerë në gracë të Rusisë. Por edhe nëse ka rënë mendoj që ka rënë nga mendjelehtësia.

Basha ka vetëm një aleat si çdo kush tjetër që hyn në ingranazhe të tilla. I vetmi aleat është e vërteta. Të tregojë të vërtetën e kësaj historie. Sa më shumë shton shpjegime jo racionale dhe i bën ato mullar, mendoj se e mistifikon edhe më tepër ketë çështje. Shton me qindra pandehma të cilat shohim pastaj atë pjesë të komploteve, ndoshta imagjinare, ndoshta jo të vërteta?, tha Gjekmarkaj./ CNA.al

Lajmet e fundit nga