E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Zbardhet rregullorja e Vetingut/ Departament i posaçëm për hetime jashtë vendit

10 Mars 2018, 09:32, Aktualitet CNA

Roli i ndërkombëtarëve në procesin e vetingut do të jetë themelor.

Komisioni i Pavarur i Kualifikimit shumë shpejt do të japë të dhënat e para për anëtarët e Gjykatës së Lartë, ndërkohë që vendimtare do të jenë të dhënat që do të japë Operacioni Ndërkombëtar i Monitorimit.

Por në bazë të ligjit, çdokush që nuk e kalon procesin, ka të drejtë të ankimojë vendimin në Kolegjin e Apelimit.

Gazeta Sot, raporton se ka një rregullore, mbi bazë të së cilës janë hedhur piketat se si do të funksionojë ky komision. Aty tregohet se ndërkombëtarëve do u jepet një hapësirë mjaft e madhe, pasi do jetë një departament me vendet që do të komunikojë me ta.

?Drejtoria e Marrëdhënieve me Publikun dhe Bashkëpunimin Ndërkombëtar ka si funksion: koordinimin e veprimtarisë me ONM, që të mundësojë këta të fundit të kryejnë detyrat e tyre në mënyrë efikase; mbështet Kolegjin në vendosjen dhe mbajtjen e marrëdhënieve të tij me institucionet dhe organizmat e tjerë brenda dhe jashtë vendit; komunikon veprimtarinë e Kolegjit tek publiku?, thuhet në dokument.

Kjo drejtori do të ketë rol thelbësor për të zbuluar aferat apo pasuritë që kanë fshehur jashtë vendit gjyqtarët apo prokurorët.

Në rregullore janë përcaktuar dhe procedurat që do të ndiqen në shqyrtimin e një çështje. Sipas dokumentit, pasi bëhet ankimimi relatori i çështjes, me ndihmën e këshilltarit kryen të gjithë veprimtarinë e nevojshme.

Pas përgatitjes së dosjes nga relatori, kryesuesi i trupit gjykues cakton datën dhe orën e shqyrtimit të çështjes në dhomë këshillimi ose seancë gjyqësore.

Radha e shqyrtimit të çështjeve përcaktohet duke pasur në konsideratë përparësitë në procesin e rivlerësimit të përcaktuara nga Kushtetuta e Republikës, pra përparësi kanë Gjykata e Lartë, Kushtetues,e anëtarët e KLGJ e KLP, etj.

Sipas rregullores, palët kanë të drejtë të shikojnë dosjen dhe dokumentet zyrtare pjesë e saj.

Nga ana tjetër theksohet se raporti i gjyqtarit relator, projektvendimi, çfarëdo informacioni për diskutimin dhe për votimin e gjyqtarëve, projektvendimet dhe çfarëdo shënimesh të gjyqtarëve gjatë diskutimit dhe gjatë shqyrtimit të rastit, mendimet e këshilltarëve si dhe materiali tjetër i përcaktuar nga Mbledhja e Gjyqtarëve, duhet të jetë konfidencial dhe në të nuk do të kenë akses as palët, e as publiku.