web counter
LEXO PA REKLAMA!

SHKARKO APP

App Store
Google Play

CNA.al i bashkohet fushatës "Ti je një luledielli"

10 Shkurt 2018, 14:00, Aktualitet CNA

?Ti je një luledielli? mban emrin fushata sensibilizuese e cila dhuroi dritë dhe mijëra buzëqeshje për fëmijët në nevojë e cila u hap rreth një vit më parë dhe përveç se në Shqipëri dhe Kosovë shumë shpejt do të vijë edhe në Maqedoni dhe Mal të Zi.

Albana Osmani, prezantuesja e njohur e ekranit të ?Top Channel? është iniciatorja e kësaj kauze të veçantë, e cila vë në qëllim mbledhjen e fondeve nga aktivitet e ndryshme nën logon e lulediellit, për qëllim ndihmesën e fëmijëve shqiptarë të prekur nga sëmundjet e gjakut, të cilët janë shtruar dhe kurohen në pavijonin e onkohematologjisë/kancer, leucemi. Kësaj kauze i janë bashkuar shumë personalitete shqiptare por kjo nismë ka kaluar edhe kufinjtë shqiptarë dhe kjo do të thotë se shumë persona e kanë mbështetur duke dhuruar ndihmë për fëmijët në nevojë. Pas një angazhimi disa mujor, të cilit iu bashkuan shumë personazhe të njohur ndërsa edhe vetë Albana u shpall ambasadore, më në fund ka arritur të sigurojë shumë prej 60 mijë eurove, për të blerë pajisjet e reja për fëmijët e prekur nga sëmundjet e gjakut në Qendrën Spitalore Universitare të Tiranës dhe në spitalin shtetëror të Kosovës (QKUK).

Ajo sot ka qënë në redaksinë e CNA.al CityNews Albania i cili u bashkua modestisht kësaj fushate sensibilizuese. Të ardhurat e grumbulluara do të shërbejnë për fushatën ?Dardani je vesh me diell? është fushata e dedikuar QKUK Prishtine/Onkohematologji, për vogelushet që kurohen pranë kësaj qendre.

Le ta shpërndajmë e ta percjellim mesazhin e fuqishëm të forcës, shpresës e jetës tek të gjithë duke blerë këto t-shirts (bluza), për të përmbushur qëllimin e kësaj fushate, këta femijë kanë nevojë për ne, kanë nevojë për forcë, kanë nevojë për shpresë, kanë nevojë të jetojnë si ne./CNA

 

 





Lajmet e fundit nga