web counter
LEXO PA REKLAMA!

SHKARKO APP

App Store
Google Play

E fundit!

x

Tavarish Luli

8 Mars 2018, 10:53, Aktualitet CNA

Një nga mediat më prestigjoze amerikane ?Mother Jones? ka publikuar një investigim që tregon lidhjet e Lulzim Bashës nëpërmjet financimit në kompani off shore të gati 1 milion dollarëve për fushatë lobimi në SHBA. Të njëjtat dyshime i shfaqi edhe Zëri i Amerikës, që është media zyrtare dhe zëri shqip i Departamentit Amerikan të Shtetit.

Basha si gjithmonë u përpoq ta kalonte me një qëndrim mohues, ashtu siç ka bërë disa kohë më parë, por në fakt dalin të reja detaje dhe gjithmonë e më shumë Luli del gënjeshtar.

Çuditërisht për herë të parë në historinë e demokracisë në Shqipëri, të njëjtin qëndrim me Lulin mbajti edhe Ambasada Ruse në Tiranë e cila pothuajse në të njëjtën kohë kishte të njëjtën deklaratë si PD-ja zyrtare.

Ndoshta ka qënë kjo e fundit që ja ka kërkuar, ose lobistët rusë që dalin nga investigimi amerikan të cilët kërkojnë të shpëtojnë Lulin. Ajo që askush nuk e mohon dot, përfshirë dhe vetë Bashën është investigimi i ?Mother Jones?, por dhe shkrimi i Zërit të Amerikës, i cili thekson paqartësinë dhe mospërputhjen e fakteve, ku ?Muzin Capitol Partners? deklaron se është paguar nga PD-ja, ndërsa Basha deklaron se pagesa është bërë nga shqiptaro-amerikanë.

Sa më shumë flet kryetari i PD-së, aq më shumë hapësira gjejnë gazetarët në investigimin e tyre për financimin e Lulzim Bashës për lobim në SHBA nëpërmjet kompanive, ku nga pas qëndrojnë dy shtetas rus Evgeny Sheremeteyev dhe Kostantin Ferulev.

PD pretendon se nuk ka patur dhe nuk ka asnjë lidhje direkte me individë apo kompani ruse, por investigimi tregon qartë lidhjet e kompanive dhe kush janë pronarët.

Financimin Basha e ka pranuar, por jo pronësitë e kompanive nga rusët, të cilët i kanë nxjerrë gazetarët amerikanë dhe e ka konfirmuar Zëri i Amerikës, që ka ngritur në fakt disa pikëpyetje të tjera.

Luli dhe Ambasada Ruse kanë të njëjtin qëndrim. Media prestigjoze ?Mother Jones? ka publikuar një investigim që është analizuar më pas edhe nga Zëri i Amerikës me po të njëjtin qëndrim.

Në përfundim të leximit të fakteve dhe kundërshtive të sjella nga palët, kë duhet të besojmë: Lulin dhe Rusët, apo median amerikane dhe Zërin e Departamentit Amerikan të Shtetit?

Qëndrimi i Bashës dhe dalja me vrap e Ambasadës Ruse është thjeshtë një njollë më shumë për Bashën, që tashmë nuk e beson më askush, dhe shpëtimin nga ?rreziku anglo-amerikan? e kërkoi në Moskë./ Elvi FUNDO- CNA.al





Lajmet e fundit nga