LEXO PA REKLAMA!

SHKARKO APP

Çfarë po ndodh në korridoret e PD-së?/ Iku Odeta e Lulit, vijnë “Odetat” e Saliut

10 Shtator 2022, 13:43, Editorial CNA

Çfarë po ndodh në korridoret e PD-së?/ Iku Odeta e Lulit,

Nuk kanë të sosur Odetat, bëmat, gjëmat dhe qyfyret e tyre në korridoret e Partisë Demokratike.

Një personazh i krijuar nga kunati i Lulzim Bashës, një nga njerëzit më afër tij Odeta Male, një ish-mjaftiste shumë pranë familjes të ish-kreut demokrat, u bë simbolikë e rrëmujave në korridoret e PD-së, nga mënyra se si ndërhynte, organizonte apo ç’organizonte, emëronte apo shkarkonte, ngrinte call-centerat, përplasje e çdo gjë tjetër.

Çfarë po ndodh në korridoret e PD-së?/ Iku Odeta e Lulit,
Odeta Male

Kjo ishte Odeta një personazh, që hyri në PD pa asnjë kontribut, mori komandën, makinën,  shoferin, jepte urdhëra, e di unë , i di ky apo të vijë ai.

PD apo stafi, trajtoheshin si një tufë individësh nën hyqmin e Odetës të kunatit.

Por, historia nuk mbaron me Odetën e Lulit.

Ka ikur Odeta e Lulit, kanë ardhur dhjetra Odeta, kopje të shëmtuara të saj, në shërbim të doktorit.

Liberali Alfred Lela,  në pozicionin e drejtorit të marrëdhënieve me publikun  në krye të një partie konsevartore siç pretendon Berisha.

Çfarë po ndodh në korridoret e PD-së?/ Iku Odeta e Lulit,

Qesharake kjo.

Gjithsesi pseudo-gazetari i cili nuk u bë dot kurrë i tillë, njeriu i paguar dhjetra milionë nga paratë e Henri Çilit, liberalit të Soros-it tashmë, është Odeta e para në Partinë Demokratike.

Lela do të gjithë benefitet që ka pasur ish-Odeta e Lulit, makinën, shoferin, në hotel të flejë vetëm dhe le pastaj kur bën si çun seksi.

Ndonjëherë me mjekrën e tij të palarë, e cila mban erë vaj ulliri të djegur do të shfaqet para stafit gjithë autoritet.

Por, a i përgjigjet Akil Kraja e më pas Florjana e Mariela, Ledio Nuraj e lështu me radhë?

Çfarë po ndodh në korridoret e PD-së?/ Iku Odeta e Lulit,
Akil Kraja

Të gjithë këta duan makina, shofera, të rrinë në dhoma hoteli më vete. Të gjithë janë udhëheqës.

Këta janë “odetat’ e reja të Partisë Demokratike.

Çfarë po ndodh në korridoret e PD-së?/ Iku Odeta e Lulit,
Florjana Garo dhe Mariela Shkurta, Dhjetor 2021

Dikur Sali Berisha ish kryeministër kishte një makinë për stafin mbështetës. Në atë kohë një kameraman, një fotograf, shoferi dhe zëdhënësja Erla Mëhilli, ky ishte grupi lëvizës kur ishte Berisha kryeministër.

Tani na duhen katër apo pesë makina, katër apo pesë dhoma të rrinë veç e veç. Florjana s’rri me Marielën. Mariela s’flet me Akilin. Akili s’ flet me Ledio Nurajn e kështu me radhë.

Një lëmsh i madh, kush flet, e kujt i flet e kush s’flet e për çfarë s’flet.

Tufa e Odetave të reja në Partinë Demokratike janë ata që kërkojnë benefitet dhe luksin, kur në fakt i shërbejnë një opozite të varfër e cila fatkeqësisht në krye të menaxhimit të saj ka dhe një emër “elitar”,  si intelektual i shquar mbarëkombëtar.

Tufa e odetave të PD-së, të Saliut tashmë është më e shkëlqyer se kurrë, edhe se sa ajo e Lulit. Sepse të paktën atëherë ishte një Odetë e vetme dhe e paguante kunati. Tani janë shumë, kush të paguhet më parë./CNA.al

21:29 Editorial Sadik Bejko

Me shami, pa shami

Më vjen keq (dhe fare nuk më vjen) që prej një shekull...

Lajmet e fundit nga