web counter
LEXO PA REKLAMA!

SHKARKO APP

App Store
Google Play

E fundit!

x

Luli mos e fshih Odetën

17 Janar 2019, 16:40, Aktualitet CNA

Në situatën që ka ngelur nga Partia Demokratike, pasi Lulzim Basha e pagëzoi si Republika e Re, komandën nuk e bën kryetari i Partisë por familja e tij dhe bizneset e kunatit apo të deleguarit e tyre.

Akuzat kanë qenë të shpeshta, por edhe të faktuara, jo vetëm nga kundërshtarët brenda PD, por edhe ata që janë bashkëpunëtorët e tij më të ngushtë.

Kunati, (lexo Erjon Isufi) në krah të Lulit ka deleguar një nga bashkëpunëtoret e tij me të ngushta, njeriun që merret me imazhin, intrigat dhe propagandën e Lulit.

Kjo është Odeta Male e cila fshihet për publikun,  por shfaqet në sallat e aktiviteteve të PD. Odeta është një nga aktivistet e “Mjaft” të Erjon Veliajt dhe kjo duket tek ky poster.

Odetës i pëlqen të punojë e drejtojë me apo për Erjonët, e “Mjaft” apo kunetërit e kryetarit.

Odeta është ?komandante? në hije për imazhin dhe propagandën. Në çadrën e Lulit, dy vite më parë, ajo ulte dhe ngrinte këdo që ulej afër kryetarit, vendoste axhendën dhe çdo thuhej.

Por, nuk shfaqet asnjëherë dhe mundohet t?ju shmanget kamerave.

Kështu ka ndodhur edhe së fundi në festën që PD organizoi si përvjetor themelimi. Në krah të kunatit të Lulit, në sallën ku u zhvillua pritja nuk mungonte Odeta, por imazhet e saj u fshehën për mediat. Këtë detyre e kryen dikush tjetër.

E njëjta situatë ishte në Kuvend, ku Odeta dirigjonte, por fytyra e saj nuk dilte gjëkundi.

Odeta fshihet vetë, por e fsheh edhe Luli, zyra e tij e propagandës apo dhe ata që bashkëpunojnë për imazhin e kryetarit të Republikës së Re.

Odeta është ndoshta pa vlerë për dikë, por ajo di dhe më shumë se Luli.

Në mars të 2017, ajo dinte listën e deputetëve dhe çfarë do bënte Luli, i cili do i linte të gjithë me gojë hapur me listën e tij, dhe kështu ndodhi.

Tani ajo ka nën kontroll Drejtoreshën e Informacionit Elona Meçon, kjo përpiqet ta fshehë Odetën që sot i shërben si te ishte vetë Luli, ashtu sic ndosh me këdo që qëndron pranë Bashës. Familja dhe kunati e kanë rrethuar kryetarin e Republikës se Re me kujdes dhe ata që janë pranë i komandon Odeta.

Kjo e fundit është një pikë kyçe, por që Luli e fsheh. Odeta, vajza e një ish-prokurori të diktaturës në Durrës, punonjëse në kompani eventesh, u lidh me Erjon Isufin dhe gruan e Lulzim Bashës, Aurelën.

Sot, ajo është mishi me kockën dhe qëndron pas Lulit për familjen, jo për PD-në që ajo dhe kunati donin t?i ndryshonin dhe emrin.

Por, gojët e liga në koridoret e PD, flasin se ajo mund të jetë edhe deputete në zgjedhjet e ardhshme, pasi Basha mund ta fusë atë në lista.

Kritikët e Lulit theksojnë shpesh, se ajo dhe persona të tjerë mund  të kenë regjistruar pasuri të tundshme dhe të patundshme në emrin e tyre dhe të familjes Basha, por kjo është në një proces verifikimi.

Por, kjo ngelet ende një akuzë politike kundër Lulit, që në fakt e bën të sigurtë kërkesën për ofiqe politike nga Odeta apo të tjerat Odeta që ka Luli nga pas dhe që i fsheh.  Disa si Odeta Male, që dalin në çdo aktivitet që ta shohin demokratët si komandon dhe fshihen nga mediat, e disa të tjerë që i nxjer Luli si kërpudha mbas shiut, ose pas listës që i jep familja.

Lista e fundit pritet t?i jepet për të shtunën kryetarit të Republikës së Re. Lista e gatshme e familjes që Këshilli Kombëtar duhet vetëm ta votojë.

Do e çojë Odeta apo do ja japë kunati, kjo ka pak rëndësi,  ajo  të do votohet sipas orientimit të familjes. Por, vështirë se tani e mëtej Luli mund ta fshehë Odetën e bizneseve të kunatit dhe familjes, që dikur e lexonim shpesh në rrjetet sociale,  por miqësia me disa kukuvajka mediash e zhduku nga sulmet.

Luli nuk mund ta fshehë më Odetën nga demokratët në bazë apo opinioni publik, se ata që janë në seli e aty vërdallë e dinë të gjithë, kush është dhe cfarë bën, megjithëse ende askush nuk e shpjegon dot, pse Luli e fsheh Odetën?/CNA.al





Lajmet e fundit nga