web counter
LEXO PA REKLAMA!

SHKARKO APP

E fundit!

x

Video-mesazhi i Ahmetajt pas largimit nga Financat

17 Janar 2019, 15:36, Aktualitet CNA

Ish-ministri i Ekonomisë dhe Financave, Arben Ahmetaj ka bërë një video-mesazh pas largimit nga detyra.

Në një postim në rrjetet sociale,Ahmetaj shprehet se shifrat flasin vetë dhe tregojnë të gjitha arritjet që janë bërë në këtë Ministri brenda tre viteve.

?Sot mund të flisnim shumë për sfidat, arritjet, vështirësitë dhe sukseset e ekonomisë, që kanë qenë jo të pakta, as pak të larmishme përgjatë tre viteve në Ministrinë e Financave dhe Ekonomisë.

Por shifrat janë aty, flasin vetë për diferencën dhe arritjet. Për rritjen ekonomike me mbi katër herë, për punësimin, tregtinë, investimet, konsumin, të ardhurat, për konsolidimin fiskal, apo lehtësimin e ngarkesës fiskale vit pas viti për sipërmarrjet shqiptare.?-tha ish-ministri.

Ndër të tjera, ai falenderoi të gjithë ata persona që kanë punuar me financat gjatë këtyre viteve.

?Prandaj kam një dedikim ndryshe, për ata që shpesh i quaj ?ushtarët e panjohur të ekonomisë e financave?, që e kanë pasur sfidën çdo ditë mbi tryezën e punës dhe aspak kohë për të njohur arritjet.

Gjithësecilit prej jush, Faleminderit!?-shkruan Arben Ahmetaj./CNA.al





Lajmet e fundit nga