Foto-fakt/ Njihuni me çetën e sharësave të Lulzim Bashës

1 Nëntor 2019, 12:03, Politikë CNA

Dje një aktivist i njohur i nismës ?Thurje?, Endri Shabani, të cilin ne e kemi raportuar në një shkrim të mëparshëm bëri një publikim në lidhje me vilën e Lulzim Bashës në Long Hill, një rezidencë e ndërtuar nga ai që Republika e re e quan oligark, Agron Papuli. Por, që prej më shumë se një viti e gjysëm ai nuk zihet në gojë nga Lulzim Basha dhe tashmë ai u strehua në një vilë, në këtë rezidencë.

Dje Shabani nuk ka bërë gjë tjetër, por vetëm ka përdorur një foto të imazhit zyrtar të Long Hill, por më pas u zbulua e gjithë armata e paguar dhe e pa paguar e Lulzim Bashës me profile reale, dhe me fake profile, që shajnë, sulmojnë dhe akuzojnë Endri Shabanin.

Por, në qoftë se në shkrimin e mëparshëm ne theksuam se kush ishte Odeta Male dhe çeta e njerëzve të kunatit. Pra, të paguar apo të pa paguar prej tij dhe pse sulmohej Endri Shabani duke vazhduar më tej gënjeshtrën e Republikës së re me gjoja se vila është më e vogël se apartamenti apo se pallati kishte pësuar dëmtime, e të tjera si këto. Këtë herë imazhet po i sjellim për një tjetër arsye.

Lexojini dhe mësojeni, fiksojini këto profile. Disa prej tyre janë fallco, që përdoren për të sulmuar, sharë dhe për të përhapur fake neës në rrjetet sociale. Mundësisht raportojini të gjithë, kë të mundeni, për të bërë që të ketë sa më pak ?morra? rrjtesh sociale të fshehur nën emra dhe profile fallco.

Përveç këtyre, aty ka edhe shumë profile reale. Përfshirë këtu edhe një nga drejtueset kryesore të kompanisë së kunatit të Lulzim Bashës, Odeta Male dhe emra të tjerë të listëpagesës që bën kunati i Lulit.

Por, më shumë sesa këta të paguarit, rëndësi kanë edhe ata të pa paguarit, të cilët vërsulen sa herë që Luli ndihet në siklet.

Por, a mund të fshihet e vërteta dhe të manipulohet me 50, 100 apo edhe 200 komente dhe sharës që vërsulen në rrjetet sociale.

Thjeshtë nuk bëjnë asgjë tjetër. Ata kanë rritur më shumë audiencën e Endri Shabanit dhe na kanë zbuluar më në fund një listë më të plotë të sharësave të listës, me pagesë ose jo, të strukturave të kunatit në shërbim të Lulzim Bashës dhe Republikës së re./ CNA.al