LEXO PA REKLAMA!

SHKARKO APP

Bastet sportive ekzistojnë/ Qeveria duhet t’i taksojë

31 Gusht 2022, 11:00, Editorial CNA

Bastet sportive ekzistojnë/ Qeveria duhet t’i taksojë

Qeveria Rama ka filluar një iniciativë që fillimisht ka ardhur nga disa apele publike të deputetit socialist dhe kreut të Komitetit Olimpik Shqiptar, Fidel Ylli.

Ky i fundit ka qenë një nga zërat publikë që ka kërkuar rikthimin e basteve sportive.

Pra, për të qenë të saktë, jo për sallat e lojërave të fatit apo kazinove të cilat ekzistojnë, por të basteve sportive.

Ka një fakt, bastet sportive ekzistojnë në Shqipëri, të gjithë luajnë, janë online. Tashmë teknologjia ka bërë që me një telefon, ti hap një llogari, nuk është e thënë te sitet shqiptare, por te të huajat, duke vendosur një VPN, pra, jo me një adresë shqiptare, lehtësisht hyn dhe mund të vendosësh baste sa të duash.

Bastet sportive ekzistojnë/ Qeveria duhet t’i taksojë

Mjafton të kesh një llogari bankare dhe hyrja është e lehtë.

Që bastet ekzistojnë në Shqipëri dhe njerëzit luajnë dhe është normale që të luajnë, por shteti nuk i takson dot sepse nuk janë legale, mund ta shikosh nga njoftimet e përditshme që sjell policia e shtetit.

Në Tiranë, Korçë, Berat, Vlorë, në Shkodër dhe në qytete të tjera, njerëzit ndalohen dhe çohen në komisariat, arrestohen dhe po bëjnë burg.

Bastet sportive ekzistojnë/ Qeveria duhet t’i taksojë

Burg si në kohën e Enverit kur loznin kumar, pasi quhej shfaqje e huaj.

Në fakt, bastet sportive janë kudo në Europë, në botë, por janë të kontrolluara.

Çfarë do të thotë?

Do të thotë, se nuk ka me mijëra cep më cep e derë më derë siç u kthyen në Shqipëri, por të kontrolluara, të hapura në sallone të caktuara, me një ligj mjaft rigoroz dhe personat të cilët kanë dëshirë të vendosin baste, shkojnë dhe vendosin.

Ti nuk mund të ndalosh dot dikë që ka qejf të lozë baste. Problematikë në Shqipëri kanë qenë sallat e lojërave të fatit, pra kompjuterat të cilat ishin jashtë kontrollit, abuzive, të regjistruar vetëm për të vjedhur dhe grabisnin miliona shqiptarë, miliarda lekë.

Grabisnin sepse nuk kishin një kontroll. Sallat regjistroheshin me pesë kompjutera, por kishin 25, kishin ruleta a thua se ishin në Las Vegas dhe jo në Tiranë, por taksa nuk paguanin fare dhe vidhnin xhepat e shqiptarëve.

Ndërsa bastet sportive janë diçka tjetër. Është një ndeshje, një sport që ofrohet si mundësi, dhe në to janë zbuluar mjaft skandale.

Media, jo vetëm në Shqipëri, por edhe në Europë, ka treguar investigime apo deri në dënime të klubeve për bastet sportive për trukime, por këto do të ekzitojnë.

Nuk do të thotë se ndodhi një trukim dhe duhet që bastet të mbyllen. Ajo që duhet të ndodhë është se Qeveria duhet t’i kontrollojë.

Bastet sportive ekzistojnë/ Qeveria duhet t’i taksojë

Pra, të mos mbijnë si kërpudha, jo në çdo cep të ketë një klub ku vendosen baste, të jenë vende të veçanta.

Mund të rikthehen, të jenë online, të legalizohen ato që vendosen online, sepse shteti duhet t’i taksojë dhe të jenë të kontrolluara, që Qeveria të mbledhë të ardhurat.

Në treg bastet sportive sot ekzistojnë. Ajo që po bën Rama duket se është një gjë formale, thjesht dhe vetëm që Qeveria të marrë disa të ardhura më shumë dhe të legalizojë në një formë atë që është fakt tashmë në Shqipëri.

Bastet sportive kanë ekzistuar, edhe pse Qeveria ka menduar se i ka pasur të mbyllura, e vërteta nuk ka qenë e tillë.

E vërteta është se bastet kanë ekzistuar, por Qeveria nuk ka mbledhur taksat.

Por, ajo që duhet të ndajmë është se tjetër janë bastet sportive dhe tjetër janë sallat e lojërave të fatit, të cilat ishin kthyer në një gangrenë për shoqërinë shqiptare./CNA.al

21:29 Editorial Sadik Bejko

Me shami, pa shami

Më vjen keq (dhe fare nuk më vjen) që prej një shekull...

Lajmet e fundit nga