web counter
LEXO PA REKLAMA!

SHKARKO APP

App Store
Google Play

Bastet sportive/ Rama: Jam i penduar

31 Gusht 2022, 10:39, Aktualitet CNA

Bastet sportive/ Rama: Jam i penduar

Pas mbledhjes së qeverisë, kryeministri Edi Rama po zhvillon një dëgjesë publike për problematikën e basteve online në të zezë dhe propozimin për formalizimin e tyre.

Kryeministri në fjalën e tij u ndal dhe te vendimi i marrë disa vite më parë për mbylljen e lojërave të fatit duke thënë se ishte i duhuri dhe i drejtë.

“Kemi një kontekst i cili duhet kuptuar dhe për të cilin unë do të them dy fjalë. Ne vendosëm të ndalojmë krejtësisht lojërat e fatit duke pasur parasysh një situatë dramatike me kërpudhëzimin e gjithë infrastrukturës së lojërave të fatit, me pafundësinë e sallave të bingove, makinetave, ekraneve, basteve.

Një shqetësim social edhe me situata familjare të katandisura deri në tragjedi. Ne besojmë që ka qenë një vendim absolutisht i drejtë dhe i duhur”, tha Rama.

Ndër të tjera, duke se kryeministri është penduar në lidhje me këtë vendim duke thënë se pas diskutimeve të njëpasnjëshme, thotë që do të shohin të dyja anët e medaljes.

"Ishte një debat me pro dhe kundër ndaj nesh, ishte një debat edhe me partnerët që ne e bëmë këtë vendimmarrje na këshillonin që këtë pjesë që ta konsideronim si vendimmarrje jashtë të përgjithshmes. Por, situata në atë moment ishte e tillë.

Dhe, kjo periudhë kohe na ka dhënë mundësi të shohim të dyja anët e medaljes, anët pozitivë dhe negative, lulëzimit të këtij aktiviteti online në të zezë. Ku policia e shtetit, bashkë me ne dhe zv.drejtori i policisë së shtetit i cili në detyrën e mëparshme ka mbuluar edhe këtë pjesë. Një përpjekje që ka pasur rezultate dhe vështirësitë e veta. Sot, jam i gatshëm të bëjmë këtë diskutim publik dhe, brenda nesh kemi diskutimin tonë, ministrja ka tendencën të jetë në krahun tuaj sepse të ardhurat do të ishin të konsiderueshme," tha ndër tjera Rama./ CNA.al





Lajmet e fundit nga