web counter
LEXO PA REKLAMA!

SHKARKO APP

App Store
Google Play

"Ylli komunist, vepër penale"/ Ish-kreu i Shoqatës së të Përndjekurve: S’bëhet "rock" me gjakun e shqiptarëve

29 Gusht 2022, 22:47, Aktualitet CNA

Nebil Çika, ish-kryetar i Shoqatës të Përndjekurve politik, tha se shfaqja e yllit komunist në flamurin kombëtar në festivalin "Sunny Hill" ishte përdhosje e flamurit.

Në një intervistë për "Euronews Albania" ai tha se përdhosja e flamurit është e ndaluar me ligj dhe si e tillë është vepër penale.

Në një përballje me liderin e grupit ‘Asgjë sikur dielli’, në klipin e të cilëve shfaqet flamuri me yll komunist, Çika e cilësoi një nga shfaqjet më kriminale e më të ndyra që është bërë në 30 vjet postkomunizëm.

“Në flamurin kombëtar nuk mund të vendosen simbole komuniste. Vetëm bashkim nuk ka ai flamur, me atë flamur janë masakruar 5 mijë kosovarë. Për ne flamuri me yll ka qenë si flamuri serb për ju. Nuk mund të bëni 'rock n’roll' me gjakun tonë, bëjeni ku të doni, jo këtu”, ju drejtua Çika këngëtarit Alban Nimani.

Festivali ‘Sunny Hill’ është vendosur në qendër të vëmendjes, kjo pasi mbrëmjen e djeshme në natën finale të saj, u shfaq flamuri me yllin komunist.

Për këtë ka reaguar edhe kryetari i Bashkisë së Tiranë, i cili sqaron se shfaqja e flamurit me yll në festivalin “Sunny Hill” është pjesë e një performance artistike e grupit rok “Asgjë Sikur Dielli”.





Lajmet e fundit nga