web counter
LEXO PA REKLAMA!

SHKARKO APP

App Store
Google Play

E fundit!

x

Pse sa herë flitet për korrupsionin e Lulzim Bashës, të gjithë e marrin lehtë

16 Shtator 2022, 17:04, Editorial Elvi FUNDO
Pse sa herë flitet për korrupsionin e Lulzim Bashës, të
Foto ilustruese

Lulzim Basha është kthyer në tregun politik sërish me një skandal, i cili nuk është një lajmi ri, është lobimi në SHBA, denoncuar nga “Mother Jones” më shumë se 4 vite më parë, kur Lulzim Basha, në mars të 2017-ës, gjatë kohës së çadrës, krijonte skema dhe paguante mbi një milion dollar duke firmosur kontrata me Nick Muzin, lobist pranë ish-Presidentit amerikan, Donald Trump.

Pse sa herë flitet për korrupsionin e Lulzim Bashës, të
Lulzim Basha dhe Donald Trump

Basha shkon në fushatë dhe bën foto me Presidentin. Kontrata është e qartë, e raportuar në Departamentin e Drejtësisë së SHBA-së nga vetë Nick Muzin, për pagesë mbi 1 milion dollarë, të konfirmuara si të kryera 675 mijë dollarë, një pagesë fillestare 500 mijë usd dhe më pas tri pagesa nga 150 mijë, një pagesë 75 mijë dollarë dhe një pagesë tjetër prej 25 mijë dollarësh, e cila kjo e fundit është zyrtare e bërë nga PD-ja dhe e deklaruar në KQZ.

Lulzim Basha rikthehet me një skandal. U raportua lajmi 4 vite më parë, por askush nuk e mori seriozisht.

Basha gënjeu!

Tha paratë janë mbledhur në SHBA, nga donacione mëmëdhetarësh, ndërkohë ajo rezultoi të jetë një gënjeshtër.

Në Shqipëri, çështja nuk u hetua asnjëherë, nuk u mor seriozisht, u mbyll me procedurë, nuk u ankimua, e kështu me radhë.

Basha shpesh akuzohet me fakte dhe prova për skandalet e tij, por asnjëherë ai nuk merret seriozisht.

Asnjëherë nuk është hetuar. Gjithmonë është dikush që e mbron. Dje e mbronte Sali Berisha, sot duket se e mbron Edi Rama.

Pse sa herë flitet për korrupsionin e Lulzim Bashës, të
Foto ilustruese

E mbronte Sali Berisha kur ndodhi skandali me Rrugën e Kombit.

Qindra miliona euro abuzime, korrupsion i mbyllur me procedurë. Më pas, skandali me faljen e ujërave territoriale shqiptare Greqisë, e rrëzoi Gjykata Kushtetuese, sërish e mbrojtën. Më tej, 21 janari, 4 të vrarë në bulevard. Faturën e mori Berisha, Basha u tremb, u fsheh në zyrë dhe nuk e nxori kokën.

Askush nuk e mori seriozisht edhe në këtë rast. Më pas e bënë edhe kryetar bashkie, 4 vjet dhe nuk bëri asgjë. Një dështak spektakolar. Skandale dhe korrupsion në Bashkinë e Tiranës. Orë e ndalur për Tiranën ato 4 vite që Lulzim Basha drejtoi këtë bashki.

Pse sa herë flitet për korrupsionin e Lulzim Bashës, të
Lulzim Basha

Më pas drejtoi prej tetë vitesh opozitën. Tetë vite turpi, skandalesh, përçarjesh, humbjesh e disfatash elektorale të njëpasnjëshme. Nuk mori pjesë në Reformën Territoriale, nuk u bë pjesë e Reformës Zgjedhore, tentoi të sabotonte Reformën në Drejtësi.

Në fund, votoi i detyruar një reformë thuajse totalisht tashmë të dështuar, për të cilën ka nevojë për ndërhyrje të forta dhe të reja ligjore.

Lulzim Basha asnjëherë s’u mor seriozisht, edhe kur humbi zgjedhjet në 2017-ën.

U vetëngrit, u mbështet nga Berisha dhe vazhdoi të drejtonte PD-në, edhe pse e përçau atë dhe dëboi senatorët e kësaj partie, elitën e PD-së, e përçau dhe e sakatoi.

Për shkak të paaftësisë së tij për të drejtuar, ai dëbonte nga partia dhe linte jashtë atë që kishte të paktën dy pare mend.

Pas kësaj, Lulzim Basha humbet kontrollin në 2019-ën, dhe djeg mandatet e deputetëve. Në fakt, një parti politike krijohet për të zgjedhur dhe për t'u zgjedhur, kurse Lulzim Basha i dogji mandatet.

Doli në rrugë, bojkotoi edhe zgjedhjet lokale të vitit 2019. Sërish nuk u mor seriozisht!

Në 2021-shin kandidoi për kryeministër, garoi, i mbështetur nga të gjithë ata që sot po e sulmojnë. Dështoi!

E pritshme për dikë që kupton politikisht, por Lulzim Basha sërish u mbështet. Ai u rizgjodh në krye të PD-së dhe u largua vetëm në momentin kur përjashtoi Sali Berishën. Asnjëherë, në asnjë moment nuk është marrë seriozisht.

Në të gjitha rastet, skandalet, turpet dhe përgjegjësitë e tij korruptive e politike dhe skandalet e vazhdueshme ai është mbështetur nga Sali Berisha. Është mbrojtur prej tij derisa ditën e fundit, i vuri shqelmin, vetë doktori.

Ai që e solli, ai që e krijoi, ai që e ngriti në detyrë. E “vrau” Lulzim Bashën,  pasi Luli, tentoi ta nxirrte me shqelma nga PD-ja.

Berisha u detyrua të rikthehej në seli me protesta. Basha nuk kurseu drurin mbi militantët e Partisë Demokratike.

Mbi mbështetësit e Berishës u hodh gaz lotsjellës, përdori policinë kundër tyre, sërish nuk e morën seriozisht.

Pse sa herë flitet për korrupsionin e Lulzim Bashës, të
Pamje nga protesta

Luli vazhdoi jetën i qetë.

Tani plas skandali i radhës. Qindra mijëra euro lobime. Para ruse, para korrupsioni, para skandalesh, burimi i tyre nuk dihet.

Lulzim Basha nuk po flet, thjesht dhe vetëm, e mohon.

Drejtësia nuk e ka hetuar në themel këtë çështje. Deklarimet e Nick Muzin janë aty, të cilat mund t’i aksesojë online kush të dojë, por drejtësia shqiptare na tha se ato nuk ekzistonin.

Si shpëtoi me procedurë Luli kur ndodhi skandali i Rrugës së Kombit.

Asnjëri nuk e merr asnjëherë seriozisht Lulzim Bashën. Ndoshta ka ardhur koha që dikush ta marrë seriozisht, ta hetojë, edhe pse mund të tentojnë ta mbrojnë.

Basha duhet hetuar dhe duhet marrë vërtetë seriozisht, për të kuptuar se kush është kjo monstër politike, ky skandaloz, ky njeri i korruptuar, ky njeri që i ka lënë pasoja, jo vetëm opozitës, por edhe vendit.

Që nga afera korruptive e Rrugës së Kombit e duke përfunduar me financime, me para korrupsioni apo ruse për lobime në SHBA./ CNA.al

 





21:29 Editorial Sadik Bejko

Me shami, pa shami

Më vjen keq (dhe fare nuk më vjen) që prej një shekull...

Lajmet e fundit nga