web counter
LEXO PA REKLAMA!

SHKARKO APP

App Store
Google Play

Lobimi rus i Bashës/ Gazetari i ‘Mother Jones’: Si e zbuluam dosjen e Nick Muzin

15 Shtator 2022, 22:58, Aktualitet CNA
Lobimi rus i Bashës/ Gazetari i ‘Mother Jones’: Si e zbuluam
Lulzim Basha

Lobimi rus u rikthye sërish në qendër të vëmendjes pas raportimeve të "BBC"-së, "AFP"-së dhe "Zërit të Amerikës" se ish-kryetari i Partisë Demokratike, Lulzim Basha, ishte paguar nga rusët e Vladimir Putinit me 500 mijë dollarë.

Për këtë çështje, publikuan një investigim të detajuar për revistën “Mother Jones” gazetarët Dan Friedman, David Corn dhe Hannah Levintova.

Mbrëmjen e sotme Friedman ka folur sërish për lobimin rust e Bashës, ku ka treguar se si lindi ideja për ta investiguar këtë çështje lobimi.

“Atë kohë ne po shikonim regjistrimet për disa lobime të ndryshme. Ishim të interesuar për influencat ruse në politikën amerikane. E kështu pamë disa kompani lobimi të regjistruara për të përfaqësuar subjekte të huaja në SHBA. Një prej tyre ishte kompania e Nick Muzin. Ai ishte i registuar si lobist në Departamentin e Drejtësisë, jo vetëm për Partinë Demokratike në Shqipëri por edhe për disa kompani si Biniata Trade. Kur ne e pamë këtë nisëm të punojmë për të kuptuar se çfarë ishte Biniata Trade dhe përse ai e kishte regjistruar në Ministrinë e Drejtësisë këtë për qëllime lobimi. Është diçka normale e punës tonë duke parë raportimet e kompanive të lobimit e kështu nisëm të investigojmë për këtë kompani guack”, u shpreh ai për "Top Channel".

Gazetari ka zbuluar se investigimi i ka marrë më parë se një muaj kohë, pasi çështja ka qenë e thjeshtë.

“Ishte rreth një muaj. Mbase diçka më pak, e më pas ne bëmë disa ndjekje të mëtejshme të kësaj çështje për më shumë se një vit. Do të thoja se aspekti më i rëndësishëm ishte se nuk u përballëm me një çështje të komplikuar por fare të thjeshtë. Pra dikush që nuk ishte nga Partia Demokratike në Shqipëri pagoi 500.000 dollarë tek një lobist në SHBA për t’i ndihmuar ata, pra PD në Shqipëri në pasjen e eksesit të presidenti Trump dhe Republikanët në Kongres”, rrëfeu Friedman.

PD në mënyrë konstante e ka mohuar se nuk ishin ata që paguan 500.000 dollarë për këtë kompani lobuese, por gazetari deklaroi se raportimet më të fundit të SHBA iu shtojnë dyshimet.

“Kjo ishte pyetja e madhe. Ajo që ne zbuluam ishte se ishte pikërisht kjo kompani guaskë offshore pagoi paratë dhe kishte lidhje të shumta me Rusinë. Ishte ngritur si kompani nga një person në Odesa në Ukrainë por lidhje të shumëfishta me persona rus. Kjo ngriti dyshime se paratë kalonin përmes kanaleve ruse për të influencuar PD në Shqipëri. Raportimet më të fundit inteligjentë të SHBA, nënvizojnë ato dyshime. Është diçka  pozitive që mbështet idenë se këto para erdhën nga Rusia për të influencuar në politikën shqiptare dhe natyrisht edhe shumë vende të tjera në botë”, tha ai./ B.A. – CNA.al





Lajmet e fundit nga