web counter
LEXO PA REKLAMA!

SHKARKO APP

App Store
Google Play

Agim Xhafka tregon historinë/ Denoncova xhelatin që torturoi priftërinjtë, më përzunë se kishte çunin drejtor

15 Shtator 2022, 22:23, Aktualitet CNA
Agim Xhafka tregon historinë/ Denoncova xhelatin që torturoi
Gazetari Agim Xhafka

Gazetari Agim Xhafka ka rrëfyer një histori, duke marrë shkas nga keqtrajtimet e klerikëve në diktaturë.

Xhafka thotë se ishte duke parë poshtë pallatit një dokumentar, kur dëgjoi Gaqo Zironin të deklaronte se në kohën e diktaturës kishte torturuar priftërinj, që u shkonin ulërimat deri në qiell nga dhimbjet.

Ai tregon se urgjentisht shkoi të bënte denoncim në komisariat, por e përzunë se drejtor policie ishte djali i Gaqo Zironit.

“Po shihja te lokali poshtë pallatit një dokumentar që fliste për keqtrajtimet e 38 klerikëve, vrarë nga diktatura. Në tavolinën ngjitur bërtiste Gaqo:

-Eh, sa kemi tortuar ne si këta priftërinjtë! Qumështin e nënës u kemi nxjerrë. Deri në qiell shkonin ulërimat e tyre nga dhimbjet.

Nuk durova e shkova urgjent në komisariat:

-Dua të denoncoj Gaqo Zironin për tortura ndaj njerëzve. Ka qenë xhelat, e pranoi sot, kam dëshmitarë...

-Zironin?

-Po. Gaqo Zironin.

-Ik, or çun se po të fusim brenda në birucë. Të birin e Gaqos ne e kemi drejtor policie. Ti po na bën dërdër qysh në mëngjes. Vrapo, zhduku!”, shkruan gazetari në rrjetet sociale./ B.A. – CNA.al





Lajmet e fundit nga