LEXO PA REKLAMA!

SHKARKO APP

Berisha, thirrje KE-së: Mos disbursoni asnjë qindarkë pa kontrolluar aferën e portit të Durrësit!

15 Shtator 2022, 13:54, Aktualitet CNA

Berisha, thirrje KE-së: Mos disbursoni asnjë qindarkë pa

Kryetari i partisë Demokratike, Sali Berisha, në diskutimin e rendit të ditës për fondet europiane është shprehur se BE-ja duhet të mbikëqyrë fondet që sjell në Shqipëri, duke drejtuar kështu gishtin nga qeveria, me pretendimin se ato fonde vidhen.

“E miratojmë marrëveshjen me mirënjohje, por i kërkojmë KE-së të kushtëzojë përfundimisht çdo qindarkë të tij, derisa të jetë kjo qeveri me kushtet që vijojnë:

Së pari: Të kushtëzojë disbursimin e ndihmave me detyrimin e Shqipërisë për të përdorur standardet europiane në prokurimet publike, në standardet europiane, në koncensione dhe në partneritetin publik-privat.

Të kushtëzojë ndalimin e tenderave sekretë që janë rritur me 20 herë.

Të kushtëzojë këtë qeveri që të përdorë manualin europian në ndërtime. Se ç'po ndodh, ju po jepni para dhe kjo qeveri po vjedh qytetarët shqiptarë, ndaj të marrin fund tenderat sekretë, impononi qeverisë të përdorë manualin e ndërtimit të BE-të. Sepse Shqipëria është vendi me koston më të lartë të ndërtimeve publike, sepse një shkollë që ndërtohet sipas manualeve të BE-së dhe që mbikqyret nga UNDP ka një kosto që kushton 680 mijë euro, ndërsa një shkollë që ndërtohet nga Rama kushton 5.2 milionë euro. Është koha të mbikqyrni jo vetëm paratë e taksapaguesve tuaj, por të mbikqyrni me dhembshuri se çfarë ndodh me paratë e taksapaguesve shqiptarë", -shprehet Berisha./CNA.al

Lajmet e fundit nga