web counter
LEXO PA REKLAMA!

SHKARKO APP

E fundit!

x

“Jemi të parët në rajon”/ Balluku: Shqipëria u jep mbi 22 milionë euro mbështetje qytetarëve për energjinë

15 Shtator 2022, 11:15, Aktualitet CNA
“Jemi të parët në rajon”/ Balluku: Shqipëria u
Zëvendëskryeministrja, Belinda Balluku

Zëvendëskryeministrja, njëkohësisht ministrja e Infrastrukturës dhe Energjetikës, Belinda Balluku, foli sot në Kuvend mbi krizën energjetike.

Duke iu përgjigjur akuzave të opozitës, Balluku tha se sot mblidhen 99.6% e faturave të energjisë elektrike, ndryshe nga sa ndodhte në vitin 2013.

Ndër të tjera, Balluku theksoi se Shqipëria është vendi i parë në rajon, ku sipas saj jepen si ndihmë për qytetarët mbi 22 milionë euro.

“Për sa i përket ndihmës, Shqipëria jep 22 milionë e 205 mijë euro. Vendi i dytë pas Shqipërisë është Bosnje Hercegovina. Serbia jep mbështetje 9 milionë, Kosova, 4.5 milionë. Këto janë shifrat. Pra, Shqipëria sot dhe vitet që kanë kaluar, i mbështet grupet në nevojë me mbi 22 milionë euro. Deri në fund të shtatorit, është konsumuar 300 milionë nga buxhetet elektrike. 140 milionë janë marrë nga buxheti i shtetit. Shifra që kur përmbytej Shqipëria dhe prodhonim 11 terra, dilnim në importe. Por sot megavatori është më shumë se 600 euro. Sektori energjitik është i bazuar me fakte. Në Shqipëri nuk do të aplikohen ndërprerje energjitike dhe kufizime. Kemi më shumë se një vit që i mbrojmë qytetarët dhe duke e ruajtur çmimin nën 9.5 lekë”, tha Balluku./ CNA.al





Lajmet e fundit nga