web counter
LEXO PA REKLAMA!

SHKARKO APP

App Store
Google Play

E fundit!

x

82-vjeçares i shpallin ndërtim të paligjshëm kotecin e pulave/ Avokati: U mor zvarrë në polici

14 Shtator 2022, 19:41, Aktualitet CNA
82-vjeçares i shpallin ndërtim të paligjshëm kotecin e
Policia Vlorë

Policia ka ndjekur penalisht një 82-vjeçare nga Narta, të cilës i është konsideruar si ndërtim i paligjshëm rindërtimi i kotecit të pulave.

Aktualisht e moshuara është në përballje me drejtësinë dhe nëse humb çështjen gjyqësore, rrezikon të dënohet me burg.

Avokati i 82-vjeçares, Geron Gunbardhi, ka treguar në Euronews Albania se klientja e tij është shoqëruar në mënyrë të dhunshme.

Gunbardhi tha se për shoqërimin e saj në banesën e të moshuarës ka zbarkuar policia, në shoqërinë e kryetarit të bashkisë së Vlorës, Dritan Leli, të cilët e kanë marrë zvarrë deri në rajon.

“Aty ka zbarkuar gjithë shteti, kryetari i bashkisë dhe policia dhe ka shoqëruar në mënyrë të dhunshme plakën duke i thënë se po bën ndërtim pa leje. Plaka u nxor zvarrë me furgon policie, plaka jeton e vetme. Pastaj e kërkuan në prokurori. Kur e çova në prokurori plaka dridhej e tëra dhe mendova se kjo çështje do mbyllej, por organi i akuzës e çoi ndërtim pa leje të një magazinë pa leje në fshatin Nartë”, theksoi avokati./ B.A. – CNA.al





Lajmet e fundit nga