web counter
LEXO PA REKLAMA!

SHKARKO APP

App Store
Google Play

Sanksionet ndaj Moskës/ Rama: E kuptojmë Serbinë, nuk mbijeton dot pa Rusinë

14 Shtator 2022, 12:17, Aktualitet CNA

Sanksionet ndaj Moskës/ Rama: E kuptojmë Serbinë, nuk mbijeton

Kryeministri Edi Rama ka shprehur shqetësimin e tij lidhur me ndikim rus në rajon, ndërkohë që shprehet se mirëkupton Serbinë, e cila ka kundërshtuar sanksionet ndaj Rusisë.

Në një intervistë për mediat austriake “Die Presse”, Rama është shprehur se Ballkani duhet të mbahet larg kërcënimeve ruse.

Rama u pyet se sa kërcënuese është për stabilietin lufta në Ukrainë dhe sa ndikon kjo në Ballkan, ndërsa ai përgjigjet se Rusia ka një ndikim të fortë në disa pjesë të Ballkanit.

“Lufta në Ukrainë është kërcënim potencial për rajonin tonë. Sepse në pjesë të Ballkanit, Rusia tradicionalisht ka një ndikim të fortë. Kjo vlen veçanërisht për Serbinë, Malin e Zi, Maqedoninë e Veriut dhe Republikën Srpska në Bosnje-Hercegovinë”, u shpreh kryeministri.

Pyetje: Çfarë do të thotë kjo për politikën e sanksioneve të BE-së kundër Rusisë?

"Ne duhet të bëjmë gjithçka që mundemi për të mbajtur kërcënimin e mundshëm jashtë Ballkanit. Prandaj, nuk duhet të ushtrohet më presion ndaj Serbisë për të vendosur sanksione ndaj Rusisë. Sanksione të tilla nuk janë të mundshme, sepse pa Rusinë Serbia nuk mund të mbijetojë.

Për më tepër, qeveria dhe presidenti Aleksandar Vuçiç nuk do t’u mbijetonin politikisht sanksioneve kundër Rusisë. Serbia tashmë ka mbajtur qëndrim. Nuk duhet të harrojmë se Beogradi tashmë ka votuar tre herë kundër Rusisë në OKB. Kjo është një surprizë e madhe. Është gjithashtu një shenjë se ka një vullnet të fortë në Beograd për t’u integruar në BE", tha Rama. 

Kryeministri foli edhe për integrimin në Bashkimin Evropian, për të cilin theksoi se “Shqipërisë i duhen ende vite për t’u anëtarësuar në BE./CNA.al

 





Lajmet e fundit nga