web counter
LEXO PA REKLAMA!

SHKARKO APP

App Store
Google Play

E fundit!

x

“27 milionë euro Klodian Zotos për disa shkurre dhe një mensë”/ Shehaj ‘zbërthen organizatën kriminale’

13 Shtator 2022, 18:44, Aktualitet CNA
“27 milionë euro Klodian Zotos për disa shkurre dhe një
Brisida Shehaj

Partia e Lirisë po mban sot një protestë në Inceneratorin e Tiranës.

E para që ka folur në këtë protestë ka qenë koordinatorja e antikorrupsionit në PL-në, Brisida Shehaj.

Gjatë fjalës së saj, Shehaj tha se ‘Klodian Zoto nga korriku i vitit 2018 deri në shtator të vitit 2021 ka marrë 27 milionë euro’.

‘Këto tabela që ju shikoni sot, nuk ishin dje. Këta marrin paratë tona dhe bëjnë reklamë me paratë tona për vjedhjen që kanë bërë. Transparenca, dokumentet dhe faktet janë rruga e vetme që ne kemi përdorur dhe do të vazhdojmë ta bëjmë.

Kemi të bëjmë me një organizatë të vërtetë kriminale, që shtrihet nga koka e qeverisë deri tek specialisti më i thjeshtë, këta janë bashkë.

Në 2017 u firmos kontrata për këtë incerator, por nuk ka incenerator. Premtuan se do të investonin 128 mln euro. Dhe këtu sot ka disa zyra dhe një mensë. Këta i kanë mensat qejf dhe u premtojnë se atje ku do të shkojnë do të kenë një mensë të sigurtë dhe për ta do të paguajmë vetëm 50 euro në ditë dhe nuk do të lejojmë të na vjedhin qindra milionë në ditë.

Për këtë mencën këtu, buxheti dhe biznesi kanë paguar 64 mln dollarë për disa zyra dhe një mensë. Janë marrë kredi nëpër banka duke lënë garanci pronën tonë.

Deri më tani, sipas lëvizjeve bankare, Klodian Zoto nga korriku i vitit 2018 deri në shtator të vitit 2021, për këto bimët e shkurret, ka marrë 27 milionë euro’,- tha gjatë fjalës së saj, Brisida Shehaj./CNA.al





Lajmet e fundit nga