web counter
LEXO PA REKLAMA!

SHKARKO APP

App Store
Google Play

E fundit!

x

Shtëpitë e barit janë fenomen/ Deputeti i PD-së: Qeveria mbyll sytë për "çunat e Londrës"

13 Shtator 2022, 11:53, Aktualitet CNA

Shtëpitë e barit janë fenomen/ Deputeti i PD-së: Qeveria

Deputeti i Partisë Demokratike, Dashnor Sula, ka folur sot në Komisionin për Çështjet Ligjore sa i takon fenomenit të “çunave të Londrës”. Sula u shpreh se problem i këtij emigracioni të paligjshëm nis në Shqipëri dhe përfundon në Shqipëri.

Fillon në vendin tonë shpjegon deputeti, pasi këtu rinia nuk ka kushte dhe detyrohen të ikin. Bëjnë lekë jashtë vendit dhe më pas sërish paratë e pista i investojnë në Shqipëri, pasi këtu nuk ka institucione që t'i marrin ata në pyetje dhe të kontrollojnë se nga i nxjerrin ato të ardhura.

“Problem fillon në Shqipëri, gjeneza është këtu. Fillimi është që grupet kriminale marrin njerëz që kanë nevojë të punojnë në shtëpi bari. Të ardhurat që përfitohen investohen në ekonominë shqiptare, me para të pista që gjenerohen nga shtëpitë e barit. Zgjidhja është e thjshtë, nëse instancat si Ministria e Financave, e mbrojtjes, bashkia, të bëjnë punën e tyre. Kur shohin këto para që investohen milionat, pa i kërkuar llogari se ku merren këto të ardhura. Banka e nivelit të dytë dhe gjithë organet ligjzbatuese nuk i kontrollojnë djemtë e Londrës.

A e dini që rekrutohet posacërisht njerëz që të shkojnë atje, dhe u premtojnë të ardhme të ndritur dhe se do t’i çojnë në shtëpi bari për të bërë lekë. Këtë e dimë të gjithë. Çunat e rinj nuk shohin shpresë këtu. Problemi është që çunat e rinj po ikin. Ky problem me shqeteson. Mos të dalim këtu ti’i bëjmë qejfin njëri-tjetrit dhe të mos themi të vërtetën, sa kohë ky vend nuk do të bëjë për këto njerëz, jo vetëm që emigracioni do të vijojë, por do arrijmë në shpopullim.”/CNA.al





Lajmet e fundit nga