web counter
LEXO PA REKLAMA!

SHKARKO APP

App Store
Google Play

E fundit!

x

Ministra dhe deputetë, nën hetim nga SPAK-u/ Cilët janë ata që i bëjnë presion Arben Krajës

13 Shtator 2022, 09:00, Aktualitet CNA

Ministra dhe deputetë, nën hetim nga SPAK-u/ Cilët janë ata

Kreu i SPAK-ut, Arben Kraja, ka deklaruar se hetimi i korrupsionit në nivele zyrtarësh është i vështirë.

Këtë deklaratë ai e bëri, ndërsa ka folur për ministra dhe deputetë në hetim, gjatë një interviste në "RTSH".

Kraja, duke u fshehur pas sekretit hetimor, ka përmendur vetëm çështje që SPAK-u ka në duar dhe jo të sqarojë me fakte se përse e kanë të vështirë të hetojnë zyrtarët e lartë.

Apo të fliste me emra se kush janë zyrtarët e lartë, ministra e deputetë, që “kërcënojnë” e vënë nën “presion” SPAK-un, duke ia vëshirësuar punën.

“Korrupsioni? Hetimi i zyrtarëve të lartë është sfidë më vete. Kemi pasur raste hetimesh apo dënimesh nga vetingu për korrupsion. Kemi pasur hetim e dënim për zyrtarë të larta në prokurimet publike. Drejtoria qendrore e Prokurimeve Publike është shpallur fajtore. Kemi në hetim edhe në nivel ministrash e deputetësh siç është ajo e inceneratorëve. Kemi çështje të Gërdecit që është rihapur”, tha ai.

Arben Kraja e lë mandatin si drejtues i SPAK-ut në dhjetor, por jo detyrën e prokurorit dhe nuk mund të justifikohet me argumentin se hetimi i zyrtarëve është sfidë më vete, kur e vetmja sfidë duhet të jetë zbatimi i ligjit, si për një zyrtar të lartë, ministër apo deputet, ashtu edhe për një qytetar të thjeshtë./CNA.al





Lajmet e fundit nga