web counter
LEXO PA REKLAMA!

SHKARKO APP

App Store
Google Play

E fundit!

x

E shkarkoi Bajram Begaj/ Edvin Shvarc, në përkujtimin për Azem Hajdarin

12 Shtator 2022, 20:00, Aktualitet CNA
E shkarkoi Bajram Begaj/ Edvin Shvarc, në përkujtimin për Azem
Edvin Shvarc në bashkëbisedimin për Azem Hajdarin

Në bashkëbisedimin e sotëm të kryetarit të PD-së, Sali Berisha, për të përkujtuar Azem Hajdarin, ka marrë pjesë edhe studenti i dhjetorit dhe përkthyesi, Edvin Shvarc.

Ai kujtoi ish-liderin e studentëve të Dhjetorit ’90, duke e cilësuar si një shok të vyer dhe hero që frymëzoi të rinjtë.

Shvarc tha se përballja me diktaturën është filli që i mban lidhur të gjithë studentët e dhjetorit dhe njerëzit që duan lirinë.

“Jemi mbledhur të kujtojmë një mik që na mungon prej gati çerek shekulli, shok të vyer, hero i cili dha shembullin e tij dhe frymëzoi edhe të tjerët për t'u ngritur.

Një shembull për atë që ngriti Bajramaj, mund të ketë bashkëpunim dhe modele pozitive nga të dyja palët.

Filli që i lidh studentët e dhjetorit, shkurtit, etj., është ai që u përballën me diktaturën dhe për pak lanë edhe kokën. Ishte një betejë për jetë a vdekje dhe nuk i dihej mbarimi. Ky fill është i pazgjidhshëm deri në fund të jetëve tona, sikur ke qenë në luftën e parë botërore, ke ndihmuar shokun dhe shoqen, i ke dalë në krah, i ke nxjerrë shpatullën, shpinën, shkopave të gomës, ose të kanë fishkëllyer plumbat pranë veshit.

Do ta vazhdojmë bashkëpunimin dhe do të ndajmë edhe përvojat e mira dhe të këqija”, theksoi Shvarc.

Kujtojmë se Shvarc u shkarkua pak javë më parë, pas 19 vitesh karrierë në Presidencë, nga Kreu i Shtetit, Bajram Begaj./ B.A. - CNA.al





Lajmet e fundit nga