web counter
LEXO PA REKLAMA!

SHKARKO APP

App Store
Google Play

E fundit!

x

“Pashë këmishën e gjakosur”/ Rudina Hajdari kujton plagosjen e të atit: Çfarë më tha në spital

12 Shtator 2022, 19:30, Aktualitet CNA
“Pashë këmishën e gjakosur”/ Rudina Hajdari kujton
Ish-deputetja Rudina Hajdari

Ish-deputetja Rudina Hajdari ka treguar një histori me të atin, Azem Hajdarin, kur ajo ka qenë vetëm 7 vjeçe.

Në një takim në “Qytet Studenti”, Hajdari solli ndërmend kohën kur i ati u plagos në Parlament.

Ajo rrëfeu se nga shkolla e mori një makinë, ku gjeti një këmishë të gjakosur, dhe shkoi vizitoi babain e plagosur në spital.

Rudina kujtoi se i ati e kishte pyetur për notat, pa marrë parasysh gjendjen në të cilën ndodhej.

"Kur isha fare e vogël, 7 vjeçe, babi vinte shpesh dhe më merrte nga shkolla dhe ai donte që unë të isha më e mira në mësime, dhe për të më treguar një lloj përkujdesje vinte më merrte. Një ditë nuk erdhi, prita gjatë në oborrin e shkollës. Erdhi një makinë dhe prapa sediljes pashë një këmishë të gjakosur.

Mora vesh që e plagosën në Parlament, shkova e vizitova dhe gjëja e parë që më tha ishte hë Rudina ça notash more sot. Thashë si ka mundësi që në këtë gjendje më kërkon llogari dhe të kujdeset për mua. I tillë ishte Azemi, kujdesej për të gjithë. Askush nuk mund ta ndalte përkujdesjen që kishte për njerëzit", tha ish-deputetja./ B.A. – CNA.al





Lajmet e fundit nga