LEXO PA REKLAMA!

SHKARKO APP

Ervis Martinaj është gjallë?/ Ngrihen dyshime, zbulohet vendi ku fshihet

12 Shtator 2022, 12:37, Aktualitet CNA

Ervis Martinaj është gjallë?/ Ngrihen dyshime, zbulohet vendi ku

Gazetari Poli Hoxha deklaroi se një nga pistat kryesore të policisë në lidhje me të shumëkërkuarin Ervis Martinaj, është se ky i fundit është gjallë dhe ndodhet në një vend të Amerikës Latine.

Në një intervistë për “Euronews Albania”, Hoxha u shpreh se zyrtarë të policisë, por edhe politikanë, kanë lidhje me bizneset e Ervis Martinajt.

“Një gjë është e sigurt. Një nga pistat në Drejtorinë e Përgjithshme të Policisë, sepse edhe aty ka një hetim policor, kishte nisur përpara se të ikte Gledis Nano, për fatin e Ervis Martinajt. Një nga pistat kryesore me të dhëna, është që ai ndodhet në një vend të Amerikës Latine.

Është shumë e fortë si pistë. Me çështjen e Ervis Marinajt, segmentë të rëndësishëm të policisë janë kokë e këmbë brenda, segmente të biznesit dhe të politikës nga të dy krahët. Janë të lidhur me bizneset e tij, me mbrojtjen e tij, me marrëdhëniet e tij, ka biseda telefonike”, theksoi gazetari.

Ervis Martinaj kërkohet nga SPAK-u si i dyshuar për porositjen e një vrasjeje që nuk u realizua për të cilën i kishte ofruar të penduarit të drejtësisë, Nuredin Dumani, deri në 500 mijë euro./euronews

Lajmet e fundit nga