E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Hetime në SPAK për Berishën?/ Arben Kraja zbulon dy çështjet që implikojnë kreun e PD-së

12 Shtator 2022, 21:32, Aktualitet CNA

Hetime në SPAK për Berishën?/ Arben Kraja zbulon dy

Kryetari i PD-së, Sali Berisha

Drejtuesi i SPAK-ut, Arben Kraja, ka treguar mbrëmjen e sotme nëse është hapur ndonjë hetim për ish-kryeministrin dhe kryetarin e PD-së, Sali Berisha.

Kraja tha në emisionin “Pa censurë” se dy janë çështjet që mendohet të jetë përfshirë Sali Berisha.

Dhe sipas tij, këto çështje janë ato të Gërdecit dhe të kompleksit “Partizani”.

Pjesë nga intervista:

Arben Kraja: Kemi çështje në hetim që lidhen me ngjarjen e Gërdecit, ku humbën jetën fatkeqësisht 26 njerëz. Kemi çështje që lidhen me lobingun e partive poltiie, të cilat po i hetojmë. Në lidhje me Gërdecin, hetimet janë komplekse. Ka vështirësitë e veta, është kohë e gjatë që ka kaluar, por do të sqarojmë të gjitha rrethanat çfarë ka ndodhur brenda mundësive që kemi.

Elona Meço: Po hetoni ish-kryeministrin Berisha dhe ish-ministrat e kohës?

Arben Kraja: Ne po hetojmë ngjarjen. Ish-Ministri i Mbrojtjes është me statusin e personit në hetim për shpërdorim detyre, sepse atë status ka pasur, por u pezullua për arsye të imunitetit, ndërkohë pjesën tjetër po e hetojmë dhe nëse do të ketë prova, patjetër që do të ketë dhe akuza për atë që do të provohet.

Hetime në SPAK për Berishën?/ Arben Kraja zbulon dy

Elona Meço: Një çështje për ish-kryeministrin Berisha ka nën hetim, nisur nga deklarata e Departamentit amerikan të Shtetit, për shpalljen e tij “non grata”?

Arben Kraja: Të mos i marrim të personalizuara. Ka çështje për fakte konkrete për të cilat pretendohet se mund të ketë përfshirje edhe ish-kryeministri apo ish-presidenti. Diskutohet çështja e Gërdecit, që po hetohet, është publike dhe diskutohet çështja e privatizimit të kompleksit “Partizani”, që janë përfshirë familjarë të tij. Çështjet janë në hetim dhe unë nuk mund të them asgjë më shumë.

Elona Meço: A i përgjigjen këto hetime deklaratës që ka bërë Departamenti i Shtetit, janë mjaftueshëm?

Arben Kraja: Ne nuk merremi me deklarata, duhet të më mirëkuptoni. Deklaratat janë deklarata politike, janë mbi baza të tjera.

Elona Meço: Por Departamenti flet për korrupsion në nivel domethënës.

Arben Kraja: Deklaratat janë të qeverisë së SHBA-së, ndërkohë ne hetojmë çështje penale në Shqipëri dhe nuk kemi dalë në konkluzion as po, as jo në lidhje me ato deklarata.

Elona Meço: A keni marrë kontakt me SHBA-në për të marrë të dhëna shtesë prej tyre?

Arben Kraja: Nuk kam ndonjë koment për të bërë për këtë./ B.A. - CNA.al