web counter
LEXO PA REKLAMA!

SHKARKO APP

App Store
Google Play

E fundit!

x

Afera e inceneratorëve/ Arben Kraja: Është çështje komplekse, kërkon kohë

12 Shtator 2022, 21:21, Aktualitet CNA
Afera e inceneratorëve/ Arben Kraja: Është çështje
Kreu i SPAK, Arben Kraja

Arben Kraja ka folur mbrëmjen e sotme në lidhje me hetimet që po zhvillon SPAK-u për aferën e inceneratorëve.

Kraja tha se aktualisht po zhvillon tri hetime për tre inceneratorë, të Tiranës, Elbasanit dhe Fierit, për të cilat pretendon se deri më tani kanë ecur mirë.

Për sa i përket vonesës për zbardhjen e plotë të aferës së inceneratorëve, kreu i SPAK-ut deklaroi se institucioni që drejton ka punuar me kapacitete të ulëta.

Pjesë nga intervista për emisionin “Pa Censurë”:

Arben Kraja: Është shumë komplekse si çështje, sepse në atë aktivitet janë 3 inceneratorë, kemi 3 çështje penale, pra të Elbasanit, të Fierit dhe Tiranës e për secilin prej tyre janë të përfshira disa institucione, disa ministri, me praktika pune, me miratime aktesh ligjore dhe nënligjore dhe marrëveshje deri në lidhjen e kontratës. Kjo kërkon kohën e duhur për t’u hetuar. Në situata të tilla duhet të hetosh të gjitha detajet, qoftë edhe problemet administrative për të arritur të kuptosh ku është shkelja, për të ngarkuar me përgjegjësi penale autorët. Po vazhdon me intensitet puna për të hetuar dhe sqaruar deri në fund. Me atë kapacitet që kemi pasur kemi bërë maksimumin e mundshëm deri tani.

Elona Meço: Kemi dëgjuar shumë për inceneratorin e Fierit, të Elbasanit, por jo të Tiranës. Po vazhdojnë hetimet për Tiranën.

Arben Kraja: Patjetër! Vazhdojnë hetimet.

Elona Meço: Vazhdon si çështje apo me emra personash?

Arben Kraja: Vazhdon si çështje. Nuk ka emra personash për momentin.

Elona Meço: Kryetari i Bashkisë së Tiranës pohoi para pak ditësh në "Top Story" se ai e kishte sqaruar pozicionin e tij me prokurorinë. A është thirrur ndonjëherë zoti Veliaj në SPAK?

Arben Kraja: Mesa di unë, jo, akoma. Është çështje e hetimit. Nuk kam informacion të ketë dhënë ndonjë deklarim deri tani.

Elona Meço: Zoti Veliaj tha se e ka bindur SPAK-un se ai kishte kryer çdo procedurë në mënyrë të ligjshme dhe kjo çështje nuk është në proces.

Arben Kraja: Ju thashë, nuk komentoj çfarë thotë një politikan apo një pokitikan tjetër. Ne kryejmë velrime, mbledhim akte. Me Bashkinë e Tiranës kemi kërkuar në mënyrë të vazhdueshme dokumentacion për të sqaruar çfarë ka ndodhur dhe si është zhvilluar procedura dhe është në proces e sipër të hetimit./ B.A. - CNA.al





Lajmet e fundit nga