LEXO PA REKLAMA!

SHKARKO APP

Memorandumi për emigrantët e paligjshëm në Britani/ Shkaqet urgjente që çuan në miratimin e ligjit

13 Shtator 2022, 11:28, Aktualitet CNA

Memorandumi për emigrantët e paligjshëm në Britani/ Shkaqet

Në seancën e sotme të Komisionit për Çështjet Ligjore po zhvillohet një diskutim ku si temë e ditës janë 3 çështje.

Çështja e parë që u mor në shqyrtim ishte projektligji për memorandumin e mirëkuptimit ndërmjet Shqipërisë dhe Britanisë së Madhe në lidhje me emigrantët e paligjshëm shqiptarë që shkojnë atje, përkatësisht:


“Për ratifikimin e memorandumit të mirëkuptimit, ndërmjet Këshillit të Ministrave të Republikës së Shqipërisë, të përfaqësuar nga Ministria e Brendshme e Republikës së Shqipërisë, dhe qeverisë së Mbretërisë së Bashkuar të Britanisë së Madhe dhe Irlandës së Veriut, të përfaqësuar nga Ministria e Punëve të Brendshme, për shkëmbimin e informacionit për qëllime të lidhura me migracionin”.

Sakaq, gjatë diskutimeve për miratimin e projektiligjit, deputeti demokrat, Dashnor Sula, u ndal dhe tha se si fillim duhen sqaruar arsyet që çuan në urgjencën dhe domosdoshmërinë e tij.

“Të dimë pse ka lindur domosdoshmëria që kjo akt marrëveshje të miratohet me aq urgjencë. Unë do të kaloj direkt në analizë. Shifra të EUROSTAT. Duhet të ndihemi të shqetësuar, me Anglinë jemi në një situatë ekstreme. Qershor 2021-2022, 7267 aplikime për azil nga shteti shqiptar. Gjatë pandemisë, shifra ishte 3578 aplikime. Aplikimet vijnë duke u rritur, ku janë dyfishuar kërkesat për azil. Është urgjente se e ka kërkuar Britania, po nëse do e kërkojnë edhe vende të tjera? Bëhet fjalë jo vetëm për emigracion, por edhe krimin e organizuar”, u shpreh Sula./CNA.al

 

Lajmet e fundit nga