LEXO PA REKLAMA!

SHKARKO APP

Erzen Breçani: Ervis Martinaj është gjallë!

13 Shtator 2022, 13:21, Aktualitet CNA

Erzen Breçani: Ervis Martinaj është gjallë!

Vijojnë akoma tezat e ndryshme mbi zhdukjen e Ervis Martinajt. Gjatë një diskutimi në programin "Shqipëria LIVE", ish-drejtuesi i lartë i policisë, Erzen Breçani, ka folur lidhur me personin, i cili mbronte Ervisin, Jeton Lami. Më 20 shtator ai do të dalë para drejtësisë. Sipas analizës së Breçanit dhe Dritan Zaganit, ky ishte një polic i thjeshtë, i cili ishte komanduar nga eprorët për ta mbrojtur Ervisin. 

"Jeton Lami nuk kishte detyrë nga eprorët për të punuar në detyrën e operacionales, kishte detyrë të mbronte Ervis Martinajn. Ai ishte i paguar të mbronte Ervis Martinajn nga policia. Ai merrte një rrogë në shtet ku nuk paraqitej dhe një rrogë tjetër nga personi që i ka thënë të mbrojë Ervisin. Kjo tregon se sa i inkriminur është shteti ynë". -shprehet Breçani. 

Sa i takon Ervis Martinajt, Erzeni shprehet me bindje se ai është gjallë dhe do të vijojë të jetë.

"Ervis Martinaj është gjallë dhe do të vazhdojë të jetë gjallë në politikën shqiptare"./CNA.al

Lajmet e fundit nga