LEXO PA REKLAMA!

SHKARKO APP

Video+Foto-Policia “fle” gjumë/ Kaos nga trafiku te kopshti zoologjik

14 Shtator 2022, 08:34, Aktualitet CNA

Video+Foto-Policia “fle” gjumë/ Kaos nga trafiku te kopshti

Për t’u nisur nga qendra e Tiranës dhe për të arritur te Kopshti Zoologjik, të duhet gati 45 minuta.

Situata është çdo ditë e njëjtë dhe jo vetëm në mëngjes, kur qytetarët shkojnë në punë apo dërgojnë fëmijët në shkolla e kopshte, por pothuajse në çdo orë të ditës.

Nga rrethrrotullimi deri përballë Kopshtit Zoologjik, kur janë më pak se 100 metra, duhen më shumë se 15 minuta.

Kjo për shkak se automjetet që vijnë nga ana tjetër e rrugës nga Liqeni i Thatë në drejtim të digës së Liqenit artificial, kalojnë në dy korsi, duke krijuar kështu kaos.

Automjetet që janë nisur në drejtim të Koposhtit Zoologjik mbeten të bllokuara te rrethrrotullimi.

Ashtu siç shihet në fotot dhe videon e mëposhtme, është e pamundur të kalosh me automjet në drejtim të Kopshtit Zoologjik.

Për më tepër nuk shihet këmbë polici, për të disiplinuar qarkullimin./CNA.al

 

Lajmet e fundit nga