web counter
LEXO PA REKLAMA!

SHKARKO APP

App Store
Google Play

“Këtu drejton mafia”/ Budina: Nuk e kemi harruar shembjen e Teatrit, do vazhdojmë “luftën”

13 Shtator 2022, 19:11, Aktualitet CNA
“Këtu drejton mafia”/ Budina: Nuk e kemi harruar shembjen e
Regjisori Edmond Budina

Regjisori Edmond Budina ka folur me tone të ashpra në protestën që po mbahet në landfillin e Sharrës, protestë e organizuar nga partia e inceneratorëve.

Budina kujtoi shembjen e Teatrit Kombëtar dhe deklaroi se nuk e kanë harruar. Ai theksoi se do të vazhdojë ‘”luftën” deri në shporrjen e mafies, që pretendon se po drejton Shqipërinë.

“Në Shqipëri drejton mafia, nuk ka qeveri, ka mafie që bën ligjin në këtë vend. Kjo është fatkeqësia më e madhe e këtij vendi. Bandat bëjnë ligjin në këtë vend. fakti është inceneratori i Tiranës që nuk ekziston.

Ja ku është skena tjetër e krimit, Teatri Kombëtar që e shembën në mënyrë të jashtëligjshme me njerëzit brenda. mafia nuk pyet për jetët e njërëzve, siç u vra Ardit Gjiklaj. Ne nuk duhet të ndalojmë. Çdo protestë duhet të ketë një rezultat. Ne kemi protestuar tek Teatri 2 vjet e gjysmë në mënyrë paqësore, përgjigja e shtetit ishte dhuna. donin të na vrisnin brenda teatrit. Atyre i duhet trualli që të ndërtojnë kullat e të pastrojnë paratë. Në bibël: kur të bie në një faqe kthe tjetër, por kur të rrahin ç’duhet të bëj?

Duhet të ngrihemi më fort të përshkallëzojmë protestat. Të gjithë bashkë t’i bashkohemi të gjithë atyre që e kanë me të vërtetë largimin e mafias nga pushteti. Do të vazhdojmë luftën tonë deri në fund. Askush të mos kujtojë se fakti që ka kaluar koha nga shembja e teatrit kjo do të harrohet. Të gjithë bashkë të shporrim mafien në pushtet”, deklaroi Budina./ B.A. - CNA.al





Lajmet e fundit nga