web counter
LEXO PA REKLAMA!

SHKARKO APP

App Store
Google Play

E fundit!

x

Kursimi i energjisë elektrike/ Balluku takim me nxënësit, jep mesazhin e rëndësishëm

14 Shtator 2022, 15:27, Aktualitet CNA
Kursimi i energjisë elektrike/ Balluku takim me nxënësit, jep
Zëvendëskryeministrja Belinda Balluku

Zëvendëskryeministrja Belinda Balluku ka nisur fushatën ndërgjegjësuese në shkollat e kryeqytetit për kursimin e energjisë elektrike.

Balluku në komunikimin me nxënësit në shkollën "Lasgush Poradeci", Belinda shpjegoi se kriza ka ardhur për dy arsye, atë të luftës mes Rusisë dhe Ukrainës si dhe ndryshimeve klimatike.

Këtu theksoi se ky ka qenë një vit i thatë edhe për vende si Anglia. Ndër të tjera, Balluku shtoi se sot kriza energjetike është një nga problemet që ka prekur jo vetëm rajonin, por edhe vendet europiane të cilat kanë hartuar plane masash për kursimin e energjisë elektrike.

Zëvendëskryeministrja këshilloi nxënësit të tregohen të kujdesshëm që të përdorin ashtu si duhet energjinë, sidomos në këto momente që kriza ka prekur të gjithë botën.

“Kriza vjen për dy arsye, lufta e Ukrainës dhe Rusisë, dhe e dyta ka të bëjë me ndryshimet klimaterike, që është një çështje shumë sensitive.

Ashtu siç mund të keni lexuar, Anglia ka shpallë një emergjencë thatësire këtë vit.

Na krijon problemet me hidrocentralet. Në rast se kemi ujë, prodhojmë energji elektrike në sasi të konsiderueshme mbi 70%, ndërkohë në vitet e thata ne prodhojmë më pak.

Sot bota po përballet me një problem shumë të madh, menjëherë pas pandemisë, sot përballemi me një krizë të re, ajo energjetike”, tha Balluku./ CNA.al





Lajmet e fundit nga