web counter
LEXO PA REKLAMA!

SHKARKO APP

App Store
Google Play

E fundit!

x

Ngritja e çmimeve të ushqimeve/ PD ngre alarmin

14 Shtator 2022, 14:19, Aktualitet CNA

Ngritja e çmimeve të ushqimeve/ PD ngre alarmin

Pas kërkesës për shfuqizimin e Bordit të karburanteve, deputeti i PD-së, Dashnor Sula, ka deklaruar sot se edhe Bordi i ngritur nga qeveria për të kontrolluar rritjen e çmimeve të ushqimeve të shportës do të dërgohet në Gjykatën Kushtetuese nga Partia Demokratike.

 Qëllimi i vetëm për ruajtjen e qytetarëve nga rritja e çmimeve nuk ka funksionuar, por çmimet kanë njohur vetëm rritje.

“Grupi parlamentar i PD-së ku do t’i drejtohet Gjykatës Kushtetuese për shfuqizimin e Bordit i ngritur për kontrollin e çmimeve të ushqimeve të shportës në tregun shqiptar. Ky Bord që u ngrit për të bërë të mundur ruajtjen e qytetarëve shqiptarë nga rritja e çmimeve nuk ka funksionuar. Ne si PD e kemi kërkuar që në shtator 2021 që të ulet TVSH-ja e ushqimeve të produkteve të shportës çka do të bënte të mundur që qytetarët shqiptarë të kishin çmime më të ulëta”, tha ndër të tjera deputeti Sula.

Bordi i ushqimeve ka hyrë në fuqi që prej datës 1 prill, dhe si detyrë kishte monitorimin e çmimeve të produkteve të shportës dhe për përcaktimin marzheve të fitimit të bizneseve të këtij sektori. Çmimet monitorohen çdo javë. Të gjitha subjektet që importojnë dhe prodhojnë produkte ushqimore sipas vendimit janë të detyruar të marrin masa për të ofruar furnizim të pandërprerë. Në vendim përcaktohet po ashtu që të gjitha këto biznese duhet të garantojnë rezerva ushqimore për 3 muaj./CNA.al





Lajmet e fundit nga