web counter
LEXO PA REKLAMA!

SHKARKO APP

App Store
Google Play

Gazetari zbardh skemën e Bashës në SHBA/ Si tentoi të mbyllë hetimet për lobimin rus

14 Shtator 2022, 17:26, Aktualitet CNA

Gazetari zbardh skemën e Bashës në SHBA/ Si tentoi të

Në një prononcim për CNA.al, gazetari në SHBA,  Robert Papa, ka dhënë qëndrimin e tij në lidhje me raportimet e "BBC"-së, "AFP"-së dhe "Zërit të Amerikës" se ish-kryetari i Partisë Demokratike, Lulzim Basha, ishte paguar nga rusët e Vladimir Putinit me 500 mijë dollarë.

Papa tha se nëse kjo është e vërtetë, atëherë Basha duhet shpallur "non grata" pa asnjë hezitim.

“Nëse është e vërtetë se Basha ka marrë 500 mijë dollarë nga Rusia (çka unë nuk e besoj), ai duhej shpallur 'non grata' pa asnjë hezitim”, u shpreh ai.

I pyetur nga CNA.al për skemën që ish-kreu i PD-së ka përdorur në SHBA, gazetari Papa tha se mendohet se Basha, u ka kërkuar disa shqiptaro-amerikanëve të japin nga një deklaratë që i kanë dhënë donacion nga mbi 10 mijë dollarë, për të mbyllur hetimet në Tiranë.

Robert Papa deklaron se nëse kjo është e vërtetë, përbën krim federal, ndaj kërkoi që SPAK-u të fillojë menjëherë hetimet për Bashën, ashtu siç ka nisur për ish-presidentin Ilir Meta.

Gazetari zbardh skemën e Bashës në SHBA/ Si tentoi të
Ish-kryetari i Partisë Demokratike, Lulzim Basha

“Ai u ka kërkuar disa shqiptaro-amerikanëve t'i japim nga një deklaratë që i kanë dhënë donacion nga mbi 10 mijë dollarë, për të mbyllur hetimet në Tiranë. Nëse edhe kjo është e vërtetë, përbën krim federal. Pra, krijon probleme edhe për diasporën e këtushme.

Problemi qëndron, nëse Moska jep 500 mijë dollarë për Bashën, sa duhet t'i ketë dhënë Ramës apo Metës? SPAK-u duhet të hetojë Bashën, siç po heton Metën. Duhet ndaluar me ligj lobingu në SHBA, sepse jo vetëm është një pastrim i pastër parash, është edhe një blerje aksesi, që u mundëson të qëndrojnë në politikë. Zoti Eskobar duhet të japë një deklaratë dhe ne si media e huaj e atashuar pranë Departamentit, po presim”, nënvizoi gazetari në SHBA./ B.A. – CNA.al





Lajmet e fundit nga