Braçe, në rolin e opozitarit/ Kritika Qeverisë

15 Shtator 2022, 12:29, Aktualitet CNA

Deputeti socialist, Erion Braçe, është shprehur se fondet europiane janë të nevojshme në vendin tonë dhe se transparenca ndaj tyre nuk ka munguar.

Por si një person, i cili nuk i kursen kritikat, Braçe u soll si gjithmonë si një opozitar i zakonshëm brenda grupit socialist, duke u shprehur se për këto projekte ka problematika të mëdha në struktura. Ai shprehet se fondet europiane nuk duhet të përdoren për forcimin e demokracisë, pasi kjo është një detyrë e mazhorancës dhe opozitës.

"Unë mendoj që Shqipëria ka nivelin më të lartë me BE, ky status është meritë e popullit shqiptar. Askush nuk mund të mohojë se për aq pjesë sa është bërë pjesë e BE-së. Patjetër duhet ta meritojmë këtë stad, me programe e buxhete që na lidhin. Thënë troç na duhen ato para, buxheteve tona, na duhen ato para po edhe donatorët e rëndësishëm. Transparenca jonë është e rëndësishme dhe në parlament nuk ka munguar.

Në këtë kohë unë nuk mund t’i them dot nivelit të artë të disbursimit IPA 2 si të mirë, se them dot se janë disburuar 240 milionë, ka punë për të bërë e përgjegjësi për të marrë. E kam të vështire ta besoj që në fund të këtij projekti do të jenë disbursuar 430 milionë euro. Duhet të punojmë të gjithë, pa përjashtim. Ajo që më shqetëson është struktura e këtij programi, shikoni 301 milionë euro për demokracinë e Shqipërisë, e kuptoj që keni pasur një nevojë për të financuar, po për demokraci e qeveri është detyrë e mazhorancës dhe opozitës që paguhet nga taksat e qytetarëve dhe jo nga taksat e europianëve.

Nëse duam të bëhemi konkurrues edhe në rajon. Pa diskutim që mjedisi e klima janë sfida më e madhe po s’mendoj se çështjet që keni para janë ligjërimi, por janë vizioni. Që të merremi me mjedisin duhet të merremi me bujqësi, ekonomi, etj., sepse vijnë si rezultat i mjedisit.

Turizmi ka qenë shumë mirë, papunësia ka rënë në nivelin 1.1% dhe ka qenë niveli më i ulët, po kemi një problem të madh me punësimin e të rinjve dhe prandaj migrojnë. Se kanë një konkurrencë në paga, nga shtëpitë e barit, në Londër, Sarandë, Belgjikë etj. Paga me 7% është fare pak me nivelin e inflacionit', - tha Braçe.

Sa i takon rritjes së çmimeve për produktet ushqimore, Braçe u shpreh se nëse do të kishim prodhim vendas, gjë që sipas tij është potencialisht e realizueshme, atëherë nuk do të kishte çmime kaq të larta në treg. Lidhur me këtë, ai tha se qeveria duhet të ndryshojë politikat.

“Nëse ne do të kishim ndryshuar politikat, ushqimet nuk do të rriteshin me këto përgjigje. Ne kemi mundësi për të prodhuar në vend, nuk kemi nevojë për importe. Si vezët, si qumështin, si drithërat mund t’i prodhonim vete. Djali i Bedriut, kishte fermën më të madhe në Kashar, por falimentuan. Nuk e kanë më as pronën, e as perspektivën. Prandaj duhet të kthehemi te prodhimi vendas dhe prandaj kam folur për TVSH-në e fermerëve”, - tha Braçe./CNA.al