web counter
LEXO PA REKLAMA!

SHKARKO APP

App Store
Google Play

E fundit!

x

Gazetari ripublikon dokumentin nga SHBA-ja/ Ja sa pagoi Basha për lobim

15 Shtator 2022, 19:58, Denoncim CNA
Gazetari ripublikon dokumentin nga SHBA-ja/ Ja sa pagoi Basha për lobim
Fotomontazh - Dokumenti nga SHBA dhe Lulzim Basha

Gazetari dhe editori i CNA.al, Elvi Fundo, ka ripublikuar pak më parë dokumentin nga SHBA-ja për pagesat që Lulzim Basha ka bërë për lobim në 2017-ën, kohë kur ka qenë në krye të Partisë Demokratike.

Sipas deklarimeve të bëra nga kompanitë e lobimit “Muzin Capitol LLC” dhe “Biniatta Trade LP” në Departamentin e Drejtësisë në SHBA, rezulton se totali i kontraktuar, kalkulohet në shumën e 1.025.000 dollarëve.

Pavarësisht se Partia Demokratike ka mohuar çdo lidhje me firmën “Biniatta Trade LP”, deklarimet e firmës lobuese amerikane “Muzin Capitol Partners” në Departamentin e Drejtësisë në SHBA dëshmojnë një kontratë që kap shifrën e 950 mijë dollarëve.

Dhe bëhet fjalë për kontratën e risjellë sot nga gazetari, i cili ngre disa pyetje për ish-kryetarin e PD-së.

Me anë të një statusi në rrjetet sociale, Fundo kërkon të dijë burimin e parave të Bashës dhe përse nuk janë deklaruar këto para më parë.

Ai thekson se edhe në rastin se këto para nuk janë para ruse, ato mund të jenë para korrupsioni, gjë që dërgon automatikisht në burg Lulzim Bashën.

Gazetari ripublikon dokumentin nga SHBA-ja/ Ja sa pagoi Basha për lobim
Dokumenti nga SHBA

Statusi i plotë i Elvi Fundos:

Lulzim Basha, Peshku i Madh

Jo ruse, jo kineze. Ja dokumenti që doli gati 5 vite më parë.

Një pyetje shqip: Ku i gjeti Lulzim Basha 1 milionë e 25 mijë USD të paguara dhe deklaruar nga Lobisti Nik Muzin në Departamentin Amerikan të Drejtësisë?

Basha e Berisha i mohuan atëherë, të gjithe nga Luli tek Muli.

Luli vetë dha 3 versione publike.

Lajmi është rikthyer.

Luli duhet të tregojë burimin e parave. Kaq. (të vërtetin se atë me donatorë e ca letra dore në SHBA që i mblodhi kunati, ehe... i morri dhe ata në qafë).

Nga korridore pagesash me konsulentë e pronarë rusë, apo miq të tij me ortakërira e biznese në Rusi, le të themi s’jane të vërteta.

Ok, Luli po ku i gjete kaq shumë para se? Kaq o kaq ku i gjete, si i gjete, pse si deklarove?

Para korrupsioni, para ruse? Sido t’i përkufizosh ka vetëm një përfundim.

Për kaq hyn në kokërr të burgut, se ka shpëtuar disa herë me procedurë, tani s’ka kunat që i bën derman.

Se mos na dalësh peshku i madh mo?!

P.S. ky dokument tregon 950 mijë USD, por janë dhe ato zyrtarët e Ristanit që u përdorën për mbulim./ B.A. - CNA.al





Lajmet e fundit nga