web counter
LEXO PA REKLAMA!

SHKARKO APP

App Store
Google Play

E fundit!

x

Pse PD e Berishës nuk flet për Vjollca Hoxhën dhe "Top Channel"?!

10 Shtator 2022, 16:45, Denoncim CNA
Pse PD e Berishës nuk flet për Vjollca Hoxhën dhe "Top
Vjollca Hoxha dhe logoja e Top Channel

Disa ditë më parë, anëtari i Këshillit Kombëtar të PD-së, Jamarbër Malltezi, doli në një deklaratë për mediat dhe shtroi disa pyetje në lidhje me inceneratorët, aferë të cilën CNA.al e ka denoncuar me fakte dhe dokumenta prej vitesh.

Të njejtën gjë, Malltezi bëri edhe sot. Ai doli para gazetarëve dhe foli për financimin e mediave nga inceneratorët.

Është hera e dytë që ai flet për inceneratorët, këtë herë për kompaninë e themeluar në Bullgari “EM Capital Group”. Por në asnjë rast, as herën e parë dhe as sot nuk flet për Vjollca Hoxhën dhe Top Channel. Malltezi bën denoncime vetëm për Ben Blushin dhe bashkëshorten e tij, Eva Blushi.

Pra, në të dyja rastet, në asnjë konferencë nuk përmendet as Vjollca Hoxha dhe as Top Channel.

Në fakt, kompania e themeluar në Bullgari ka ardhur dhe ka blerë 51% të “Lori Kaffe”-së.

CNA.al ka denoncuar me dokumenta ekskluzivë se kompania “EM Capital Group”, ku ortakë janë Mirel Mërtiri, Klodian Zoto dhe Eva Blushi, ka blerë 51% të aksioneve të “Lori Kafe”, e cila mban emrin tregtar “Valtelina Kafe”, dhe që “rastësisht” ka të njëjtët pronarë me “Top Channel”.

CNA.al ka publikuar kontratën, ku flitet për çmimin e shitjes dhe mënyrën e likujdimit, dhe ku shkruhet se 51% e kuotave kushtojnë 153 milionë lekë të reja dhe 600 mijë euro. Në një vlerë totale prej 225 milionë lekësh të reja ose 2 milionë dollarësh. (Lexo këtu)

Pse PD e Berishës nuk flet për Vjollca Hoxhën dhe "Top

Pra, “Valtelina Kafe”, kompania që mban brandin “Lori Kafe”, Vjollca Hoxha dhe fëmijët kanë 49% të aksioneve dhe 51% i ka “EM Capital Group”, ku aksionerë janë Klodian Zoto dhe Mirel Mërtiri të inceneratorëve.

Pavarësisht këtyre fakteve të pakundërshtueshme, Jamarbër Malltezi nuk foli asnjë fjalë për Vjollca Hoxhën, por vetëm për Ben Blushin.

Ndërkohë që Irfan Hysenbelliu, bashkë me mediat e tij dhe të familjarëve të tij, merrnin qindra mijëra euro në vit nga inceneratorët dhe nuk thuhej asnjë fjalë./ CNA.al





Lajmet e fundit nga