web counter
LEXO PA REKLAMA!

SHKARKO APP

App Store
Google Play

Financimet ruse/ Ristani: S’kam firmosur asnjë dokument, po janë dhënë para, i ka marrë Basha

15 Shtator 2022, 19:19, Politikë CNA
Financimet ruse/ Ristani: S’kam firmosur asnjë dokument, po janë
Ish-sekretari i Përgjithshëmi i PD-së, Arben Ristani

Ish-sekretari i Përgjithshëmi i PD-së, Arben Ristani, ka reaguar sërish në lidhje me raportimet e "BBC"-së, "AFP"-së dhe "Zërit të Amerikës" për financimet ruse në Partinë Demokratike, në kohën kur kryetar ka qenë Lulzim Basha.

Ristani tha se si sekretar i PD-së, nuk ka firmosur asnjë dokument për financim nga rusët, qoftë brenda, qoftë jashtë vendit.

“Personalisht, meqë jam i involvuar pa të drejtë si sekretari i Përgjithshëm, jo vetëm nuk kam pasur dijeni për veprimet e kryetarit, por as nuk kam firmosur asnjë dokument për ndonjë qindarkë, qoftë brenda, qoftë jashtë vendit.  

Sa i përket hetimit ka nisur për pastrim parash dhe ndonëse nisi mbi këtë bazë gjatë rrugës ndryshoi drejtim. Në mënyrë normale akuza e falsifimimit nuk u pranua nga gjykata. Pushteti ishte i interesuar ta mbyllte. Dhe prokurorja në atë kohë ka qenë për vazhdim të hetimeve. 

Sot kuptojmë që është më vlerë që çështja të hetohet. Unë nuk kam asnjë dijeni se si mund të jenë përdorur”, u shpreh ai në një intervistë me gazetaren Besmira Pelushaj.

Gjithashtu, Ristani theksoi edhe njëherë se nëse ka pasur financime, ato janë veprime personale të Bashës, që duhet të hetohen.

“Në mënyrë personale ish-kryetari i PD flitet se ka përdorur para personale dhe jo sipas procedurës që parashikon statuti i partisë. Statuti i PD vetëm kryesisë i jep të drejtën për të kryer marrëveshje me të tretë. 

Për vendimet e lobimit nuk ka një marrëveshje të tillë. Në këtë rast partia ndahet nga kryetari. Kur veprimet janë individuale është përgjegjësi individuale. PD është e përjashtuar nga çdo përgjegjësi. Mbetet për tu hetuar dhe do të ishte mirë në funksion të transparencës”, nënvizoi ish-sekretari i PD-së./ B.A. – CNA.al





Lajmet e fundit nga