E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Skandali me lobimin rus/ Muli kundër Mulit

15 Shtator 2022, 11:07, Politikë CNA

Deputeti i Partisë Demokratike, Flamur Noka, ashtu si padroni i tij, Sali Berisha, ka shfaqur dy qëndrime diametralisht të kundërta për çështjen e parave ruse që dyshohet se u përdorën nga Lulzim Basha për lobim në SHBA.

Qëndrimi i Nokës ka ndryshuar me 180 gradë nga viti 2018 deri më sot.

Noka në vitin 2018, kur Lulzim Basha ishte kryetari i tij, mendonte se artikulli i "Mother Jones" ishte rreng i bërë nga kryeministri Edi Rama, me mbështetjen e George Sorosit.

Por sot, 4 vite më pas, Noka është rreshtuar në krah të Ramës, duke mbajtur qëndrim kundër Lulzim Bashës.

“Edi Rama është mjeshtër i tymnajave për të mbuluar skandalet e qeverisë së tij.

Le të vijojnë hetimet. S’ka asgjë për të fshehur nga Partia Demokratike.

'Mother Jones' është një gazetë mbrapa së cilës fshihet babai shpirtëror i Edi Ramës, George Soros. Që këtu kuptohet.

Father Soros nëpërmjet 'Mother Jones' i vjen në ndihmë Edi Ramës që paguan për këtë gjë.

Po pse ndodh kjo e pikërisht tani?”, deklaronte Noka në një intervistë për rubrikën “Opinion” në "News 24" në vitin 2018.

Por Flamur Noka po në "News 24", deklaroi mbrëmjen e djeshme se dosja “Muzin” që implikonte ish-kryetarin e PD-së nuk do të mbyllej pa ndërhyrjen e Ramës nëpërmjet Engjëll Agaçit.

Noka shtoi se kjo dosje është pikërisht ajo me të cilën Rama mbajti peng Lulzim Bashën në misionin për shkatërrimin e PD-së.

“Materialet tregojnë se Rama i paska parë të gjitha dhe i ka mbyllur, është marrë peng.

Në 9 mars 2018 Rama në konferencë për shtyp tha askush nuk mund ta mbyllë dosjen do i shkohet në fund.

Pas ndërhyrjes së Engjëll Agaçit dosja u mbyll”, -deklaroi Noka.

Pra, në 2018 Flamur Noka deklaronte se dosja për paratë ruse ishte sajesë e Ramës, ndërsa tani thotë të kundërtën, se dosja për paratë ruse është e vërtetë dhe jo sajesë e Ramës.

Madje, sipas Mulit, e paska mbyllur pikërisht Rama, ai që sipas Mulit të 2018-ës, e kishte sajuar nga hiçi këtë dosje.

Hajde dhe merri seriozisht tani këta!/Tema