LEXO PA REKLAMA!

SHKARKO APP

Harta territoriale me 95 bashki/ Bylykbashi: Godet centralizimin e pushtetit që ka bërë Edi Rama

14 Shtator 2022, 16:11, Politikë CNA
Harta territoriale me 95 bashki/ Bylykbashi: Godet centralizimin e pushtetit
Oerd Bylykbashi

Partia Demokratike ka publikuar ditën e sotme konkluzionet e grupit të punës që është marrë me hartimin e propozimeve për ndryshimin e Reformës Territoriale.

Sipas selisë blu, Shqipëria duhet të ketë në total 95 bashki asimetrike, nga 61 që ka sot.

Nënkryetari i PD-së, Oerd Bylykbashi, thekon se kjo ndarje e afron pushtetin për qeverisjen e përditshme te zgjedhësit dhe godet centralizimin e pushtetit që ka bërë Edi Rama.

“Sot gjatë mbledhjes së grupit parlamentar të PD-së mbi prezantimin e propozimit të Partisë Demokratike për reformën territoriale.

Partia Demokratike propozon 95 bashki duke shtuar 34 bashki të reja.

Kjo ndarje e afron pushtetin për qeverisjen e përditshme te zgjedhësit dhe godet centralizimin e pushtetit që ka bërë Edi Rama.

Një hap më tej është mbështetja për reformën drejt rajoneve, në përputhje me modelin europian.”/CNA.al

Lajmet e fundit nga